Bilim jáne ǵylym mınıstrligi osy jyly «Altyn belgiden» 7 myń 444 túlektiń úmitker ekenin jarııalady. Al mektep bitirýshileri bıyl tótenshe jaǵdaıǵa baılanysty memlekettik qorytyndy attestattaý emtıhandaryn tapsyrmaıdy. Sonda «Altyn belgi» qalaı berilmek?
Bul suraqqa joǵaryda atalǵan jaýapty vedomstvo 2017 jyldan bastap UBT-da «Altyn belgini» rastaý talap etilmeıtinin eske saldy.
Osyǵan oraı Bilim jáne ǵylym mınıstrligi:
«5-11-synyptar aralyǵynda barlyq pánder boıynsha qorytyndy jyldyq baǵasy «5» bolsa jáne bitirý attestattaý emtıhandaryn úzdik tapsyrsa, jetkilikti.
Qazirgi jaǵdaıǵa baılanysty 9, 11-synyp oqýshylary bitirý emtıhandaryn tapsyrmaıdy, sondyqtan «Altyn belgi» jyldyq qorytyndy baǵalarynyń negizinde beriledi», dep málimdedi.