Oqý úrdisin uıymdastyrýdyń jańa formasynyń biri – qashyqtan oqytý tehnologııasy. Álem elderinde oryn alǵan epıdemııaǵa oraı elimizde qashyqtyqtan oqytý júzege asyrylyp jatqany belgili. Qashyqtan oqytý – adamnyń bilim alýǵa jáne aqparat alýǵa degen quqyqtaryn iske asyratyn úzdiksiz bilim berý júıesiniń biri retinde mamandardyń bilimin, biliktiligin arttyrýǵa múmkindik beredi.
Qashyqtan oqytý – bilim berýdiń aqparattyq jáne telekommýnıkasııalyq tehnologııalardyń kómegimen júzege asyrylady. Qashyqtan oqytý tehnologııasy boıynsha oqytýshynyń negizgi mindeti - bilim alýshynyń oqý prosesin baqylaý, maqsat pen mindetterdi qoıý, telekommýnıkasııalyq quraldaryn qoldaný, aqparattyq júıelerdegi resýrstardy paıdalaný, oqytý júıesi boıynsha sabaq ótkizý úrdisin jan-jaqty daıarlaý jáne basqa da birneshe talaptar qoıylady. Al bilim alýshynyń negizgi mindeti - materıaldy óz betinshe ıgerý, joǵarǵy deńgeıde bilimdi óz betimen tolyqtyrý, jańa aqparattyq tehnologııanyń kuraldarymen jumys isteı bilý, óz betinshe jumystyń tehnıkasy men ádistemesin, negizderin meńgerýi qajet bolyp tabylady.
- Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń qashyqtan oqytýǵa daıyndyq deńgeıi joǵary, sebebi burynnan da qashyqtyqtan oqytý túri qoldanylady. Ýnıversıtette qashyqtyqtan bilim berý tehnologııalary: «Univer.yu.edu.kz», «Lessons.yu.edu.kz», «Meet.google.com», «Coursera» júıelerin oqytýshylar men stýdentter tolyqqandy qoldanýda. Bul júıeler arqyly oqytýshylar dáristeri men tájirıbelik jumystaryn onlaın formatta túsindirýde, al stýdentterimiz tapsyrmalaryn, úı jumysyn onlaın túrde kórsetýde. Ýnıversıtettiń búkil oqý prosesine qatysty atap aıtar bolsaq, ǵylymı jáne oqý-ádistemelik keńester, oqý májilisteri, ǵylymı zertteý jáne tárbıe jumystary, vebınarlar men onlaın-konferensııalar, onlaın semınarlar, trenıngter, konkýrstar, onlaın áleýmettik jobalar, fakýltetiniń oqý-ádistemelik bıýro jumystary, kafedralyq jınalystar onlaın rejıminde ótkizilýde. Onlaın ótkizý arqyly óz kezeginde oń nátıjesin kórsetýde, deıdi «Menedjment» kafedrasynyń aǵa oqytýshysy A.K.Sagındıkova.
Sonymen birge, «Coursera» onlaın bilim berý arqyly ýnıversıtet oqytýshylary men stýdentteri kóptegen onlaın kýrstaryn tegin oqı otyryp, sertıfıkat alýǵa úlken múmkindik týyp otyr. «Coursera» - álemniń úzdik ýnıversıtetteriniń onlaın kýrstaryn tegin oqý arqyly sapaly da, qoljetimdi kontent arqyly bilim alady. Bunyń ózi bilim men tájirıbeni ushtastyra otyryp, jaýapkershilik pen qyzyǵýshylyqtyń artýyna jáne ári qaraı shyńdala túsýine jeteleıdi.
Aǵa oqytýshy A.K.Sagındıkovanyń aıtýynsha, qashyqtan oqytý tehnologııasy bilim berýdiń jańa formasynyń biri. «Qashyqtan oqýdyń berer múmkindikteri óte kóp. Sondyqtan da, zaman talabyna saı ózgerý búgingi kúnniń basty talaby dep tolyq nyq senimmen aıtýǵa bolady» deıdi ol.