Densaýlyq saqtaý mınıstri Eljan Birtanov koronavırýs indetin emdeýdiń tıimdi klınıkalyq hattamasyn ázirlegen áriptesterine rızashylyq bildirdi. Bul týraly Densaýlyq saqtaý mınıstri Facebook paraqshasynda jazdy.
«Aqtaeva Lázzat Meırashqyzyna jáne elimizdiń jetekshi medısına qyzmetkerlerine, barlyq áriptesimizge koronavırýs ınfeksııasyn dıagnostıkalaý men emdeýdiń tıimdi ár sátti qoldanylǵan klınıkalyq hattamasyn ázirlegenderi úshin rızashylyq bildiremin. Elimizdiń ártúrli óńirindegi indetpen qazirgi ýaqytta kúresip jatqan barlyq áriptesime rahmet. Indet oıdan shyǵarylmaǵan, ol ókinishke qaraı áli de jalǵasýda. Biraq, medısına qyzmetkerleriniń, sonymen qatar elimizdiń densaýlyq saqtaý júıesiniń túrli ýchaskelerin basqaryp júrgen áriptesterimniń janqııarlyq eńbeginiń arqasynda ázirshe indet baqylaýda tur. Sondyqtan da barlyqtaryńyzdan parasatty bolýdy, medısına qyzmetkerleri men bıliktiń usynystaryn oryndaýdy taǵy da ótinemin. Bul májbúrli ýaqytsha shekteýler» dep jazdy ol.