27 sáýirdegi jaǵdaı boıynsha tótenshe jaǵdaı kezinde kiristen aıyrylǵan azamattarǵa Memlekettik áleýmettik saqtandyrý qorynan 4 mln 251 myń áleýmettik tólem taǵaıyndaldy. Alǵashqy aıda berilgeni – 3 mln 731 myń, al ekinshi aıda 520 myń adamǵa taǵaıyndaldy.
27 sáýirdegi jaǵdaı boıynsha «42 500 teńge» tólemge 8 mln 23 myń adam ótinish berdi.
Biregeı ótinishterdiń eń kóp sany kelesi óńirlerde:
Almaty oblysy – 1 mln 45 myń; Túrkistan oblysy – 999,5 myń; Almaty qalasy – 896,6 myń; Nur-Sultan qalasy – 594,5 myń; Shymkent qalasy – 534,5 myń.О́ńirler boıynsha járdemaqy eń kóp taǵaıyndalǵan oblystar:
Almaty oblysy – 620,5 myń; Túrkistan oblysy – 508,5 myń; Almaty oblysy – 412,1 myń.Áleýmettik tólemdi taǵaıyndaý qaǵıdalaryna sáıkes kelmeıtin 3 mln 672 myń ótinim qabyldanbaǵan.Onyń negizgi sebepteri mynadaı:
ótinish berýshiniń jeke derekteriniń durys kórsetilmeýi; banktik shot nómiriniń durys kórsetilmeýi; ótinish berýshide turaqty jalaqysynyń bolýy (onyń ishinde memlekettik qyzmetkerler men bıýdjettik uıymdardyń qyzmetkerleri); ótinish berýshiniń tótenshe jaǵdaı engizilgenge deıin resmı jumys jasamaǵan zeınetaqy men járdemaqy alýshy bolyp tabylýy; ótinish berýshi úshin tótenshe jaǵdaı rejimin engizgenge deıin sońǵy 12 aı ishinde mindetti áleýmettik aýdarymdardyń, zeınetaqy jarnalarynyń júrgizilmeýi, BJT tólemeý nemese beıresmı ózin-ózi jumyspen qamǵandardyń ótinish bergenge deıin BJT tólemeýi; ótinish berýshiniń qaıtys bolýy nemese Qazaqstan Respýblıkasynyń aýmaǵynan tys jerge turaqty turýǵa ketýi.Áleýmettik tólem alýǵa ótinimdi eGov portaly, 42500.enbek.kz veb-saıty jáne https://t.me/Help42500Bot adresi boıynsha Telegram-bot arqyly berýge bolady.
О́tinishtiń qaralý statýsyn 42500.enbek.kz saıtynda tekserýge bolady.
Qosymsha qaraýdy talap etetin erekshe jaǵdaılarda azamattar 42500@enbek.kz, 42500@gfss.kz elektrondyq mekenjaılaryna jazbasha ótinish bere alady.
MÁSQ-ta tólem jasaý týraly sheshim qabyldanǵannan keıin ótinish berýshige SMS-habarlama keledi. Keıinnen ótinish berýshiniń derekteri «Azamattarǵa arnalǵan úkimet» memlekettik korporasııasy» KEAQ-ǵa jiberiledi, ol ony ekinshi deńgeıdegi bankterge tólem júrgizý úshin jiberedi.