Búgin Qaraǵandy oblysynda Temirtaý qalasynyń segiz turǵynynyń koronavırýs ınfeksııasyn juqtyrǵany belgili boldy, dep habarlady oblys ákiminiń baspasóz qyzmeti.
Aýyrǵandardyń arasynda 25 jáne 24 jastaǵy eki jigit pen 1967, 1985, 1990 jáne 1998 jyldary týǵan tórt áıel bar. Sondaı-aq úsh jastaǵy jáne bıyl týǵan qyz balalarǵa da indet juqqan.
Naýqastardyń barlyǵy ınfeksııalyq stasıonarǵa jatqyzyldy.
Búgingi kúnde Qaraǵandy oblysynda COVID-19 juqtyrýdyń 128 oqıǵasy resmı túrde tirkelgen. Onyń ishinde bir adam qaıtys boldy jáne 37 naýqas jazylyp shyqty.
Qaraǵandy oblysy