Tótenshe jaǵdaıdyń engizilýine baılanysty tabystarynan aıyrylǵan BJT tóleýshi-tulǵalarǵa 42 500 teńge áleýmettik tólemder boıynsha týyndaıtyn máselelerge baılanysty Memlekettik kirister komıteti kelesini túsindirdi.
Qazaqstan Respýblıkasy Eńbek jáne halyqty áleýmettik qorǵaý mınıstrliginiń Erejelerine sáıkes (26.03.2020 jylǵy №110 buıryq) áleýmettik tólemder Memlekettik áleýmettik saqtandyrý qorynan Salyq kodeksiniń 774-babyna sáıkes biryńǵaı jıyntyq tólemniń tóleýshileri bolyp tabylatyn jeke tulǵalar úshin kózdelgen.
Bul rette, Biryńǵaı jıyntyq tólem jaldamaly qyzmetkerlersiz jylyna 1 175 AEK (2,96 mln. teńge) kem mólsherde tabys (aınalym) ala otyryp, kásipkerlik qyzmet sheńberinde basqa jeke tulǵalarǵa (salyq agentteri bolyp tabylmaıtyn) jeke qosalqy sharýashylyq ónimderin ótkizýdi nemese qyzmet kórsetýdi júzege asyratyn jeke tulǵalarǵa arnalǵanyn eskergen jón.
Mysaldar: bir jolǵy jaldamaly eńbek (turmystyq tehnıkany, santehnıkany jáne t.b. jóndeý), jekelegen jeke qyzmetter (repetıtorlar, kútýshiler, otyrǵyshtar, tapsyrysqa toqý), baǵdarlamalardy ornatý qyzmeti (NJ ornatý, qarsy vırýs jáne t. b.), óziniń jeke qosalqy sharýashylyǵynda óndirilgen sútti, kartopty satý, basqa jeke tulǵalarǵa jáne t. b.
Sheteldikter men azamattyǵy joq adamdar, sondaı-aq turǵyn úıdi qospaǵanda, múlikti jalǵa beretin stasıonarlyq núkteler (kommersııalyq obektiler - saýda obektileri, bazarlar jáne t.b.) arqyly qyzmetin júzege asyratyn adamdar BJT tóleýshiler bola almaıdy.
Budan basqa, BJT tóleýshi - jeke tulǵa dara kásipker nemese jeke praktıkamen aınalysatyn tulǵa (advokattar, notarıýstar, jeke sot oryndaýshylary jáne kásibı medıatorlar) retinde tirkelmeýge tıis, olar úshin osyndaı áleýmettik tólemderdi alýdyń ózge tártibi kózdelgen jáne BJT tóleý talap etilmeıdi.
Osylaısha, joǵaryda kórsetilgen talaptarǵa sáıkes kelgen kezde BJT tóleýshileri bolyp tanylatyn jáne joǵaryda kórsetilgen qyzmetterdi kórsetý nemese basqa jeke tulǵalarǵa (salyq agentteri bolyp tabylmaıtyn) jeke qosalqy sharýashylyq ónimin ótkizýdiń múmkin bolmaýyna baılanysty tabystarynan aıyrylǵan tulǵalar TJ engizilýine baılanysty tabystarynan aıyrylǵan BJT tóleýshi-jeke tulǵalardyń sanatyna jatady.
Tıisinshe, TJ kezeńinde BJT-ny alǵashqy ret tólegen tulǵalar ózin osyndaı talaptarǵa sáıkes keletin ózin-ózi jumyspen qamtyǵandar retinde kórsetken, áleýmettik qamsyzdandyrý júıesine kirgen jáne TJ kezeńi aıaqtalǵannan keıin kásipkerlik tabys alǵan kezde osyndaı mártebeni BJT tóleý jolymen rastaýdy jalǵastyrýǵa tıis.