Atyraý oblysynyń ákimi Mahambet Dosmuhambetov koronavırýs ınfeksııasyna qarsy kúreste aldyńǵy sapta júrgen dárigerler jáne medısına qyzmetkerlerimen onlaın suhbat ótkizip, alǵysyn bildirdi.
Tikeleı baılanysqa koronavırýs ınfeksııasyn juqtyrǵandarmen jumys jasap jatqan oblystyq jedel járdem stansııasy men ınfeksııalyq bólimshe ornalasqan №2 oblystyq aýrýhananyń dárigerleri qosyldy.
–Qazir sizder shyn máninde myltyqsyz maıdandasyzdar. О́ıtkeni, kúndelikti qaýip-qaterge qaramastan qajyrly jumys istep, búginginiń qaharmandaryna aınaldyńyzdar. Qazaqstan medısınasynyń erlikke toly jańa tarıhyn jazyp jatyrsyzdar. Halqymyz ózderińizge úmit artyp, amandyqtaryńyzdy tilep otyr. Bizdiń de basty mindetimiz – eń aldymen, sizderdi qoldaý, - dedi oblys ákimi Mahambet Dosmuhambetov.
Atyraýda medısına salasy mamandarynyń jalaqysyna ústemaqy tóleý úshin 288,7 mıllıon teńge bólingen. О́tken aıda onyń 44,5 mıllıon teńgesi 373 qyzmetkerdiń qolyna tıdi. Budan tys koronavırýspen kúresip jatqan dárigerlerdi yntalandyrýdyń qosymsha sharalary qarastyryldy. Atap aıtqanda, demeýshiler tarta otyryp, 634 medısınalyq qyzmetkerge kótermeleý qarjy tólendi. Al, 164 dáriger jáne jedel járdem stansııasy qyzmetkerleri qonaq úılerge ornalastyryldy.
Tikeleı baılanysta №2 oblystyq aýrýhananyń dárigerleri naýqastardy emdeý joldary týraly baıandady. Máselen, ınfeksııalyq stasıonarǵa 27 naýryzdan búginge deıin 123 naýqas qabyldanyp, 59-y tolyq nátıjeli emin alyp, aýrýhanadan shyǵaryldy. Al, jedel járdem stansııasy mamandarynyń aıtýynsha, COVID-19 ınfeksııasyn juqtyrǵandarmen jaqyn jáne potensıaldy baılanysta bolǵan azamattardy tasymaldaýǵa 3 arnaıy brıgada jasaqtalǵan. Sáýirde qosymsha 2 arnaıy brıgada taǵy qosylǵan. Sonymen qatar, qorda bir ret qoldanylatyn maska, arnaıy qorǵanys kostıýmderi, qorǵanys kózildirigi jetkilikti. Densaýlyq saqtaý basqarmasy, demeýshiler, eriktiler qorǵanys kıimderimen únemi qamtamasyz etilýde.
–Densaýlyq saqtaý salasy únemi basty nazarymyzda bolady. Oblystaǵy árbir medısına qyzmetkeriniń orny biz úshin erekshe. Bul indetti birge jeńetinimizge senemin. Otbasylaryńyzben tez qaýyshýlaryńyzdy tileımin, - dep oblys ákimi Mahambet Dosmuhambetov medısına qyzmetkerlerine alǵysyn bildirdi.