Qazaqstan áleýmettik memleket ekenin kórsetti

Tótenshe jaǵdaı kezinde memleket túrli baǵytta tegeý­­rindi jumystar atqa­ryp, halyqqa barynsha qam­qor­­lyq kórsetip jatyr. Aza­mat­tardyń amandyǵyn kóz­deıtin is-sharalar sheń­berinde áleý­mettik qoldaýǵa qo­sa ekono­mı­kalyq turaq­ty­lyqty qamta­masyz etý máselesi de na­zardan tys qal­ǵan joq. Tabysynan aıy­ryl­ǵan qarapaıym halyq­tan bas­tap jumysy turalap tur­ǵan kásipkerlerge deıin mem­le­kettiń zor qoldaýyn sezindi. Elimizdiń óńir-óńir­inde ha­lyqqa qarjylaı da, zattaı da kómek berilýde. Qan­shama adamǵa azyq-túlik úlestirildi.

Bul baǵyttaǵy jumystar toqtamaıdy. О́ıtkeni indettiń taralý qaýpi áli de seıile qoı­ǵan joq. Sondyqtan Pre­­zı­­dent tótenshe jaǵdaı reji­min 11 mamyrǵa deıin uzar­ta­tynyn aıtty. Eń bastysy, tabysynan aıyrylǵan aza­mat­tarǵa qoldaý jalǵasyp, kelesi aıda da 42 500 teńge­den beriledi. Aınalyp kelgen­de, munyń bári bizdiń Kons­tı­­týsııada Qazaqstandy áleý­­mettik mem­leket dep kór­set­­ken tujy­rymǵa sáıkes kele­di. Iаǵnı halyqtyń ál-aýqa­ty, turmys-tirshiligi qa­shanda basty nazarda bolady.

Karantın kezinde tirshi­ligimizdi qamtamasyz etip otyr­ǵan mańyzdy sala­lar­dyń jumysy irkilip qal­maýyn qadaǵalaý mańyz­dy. Osy rette azyq-túlik tap­shy­lyǵyna tap bolmaýymyz úshin qazirden kóktemgi egis naýqanyna erte qam­da­nýy­myz kerek. Tótenshe jaǵdaıǵa týra kelip qal­ǵan­dyqtan, bul jumystardy uıym­dastyrýǵa barlyq qaýipsiz­dikti saqtaı otyryp, ádettegi­den erekshe mán berip kiris­ken du­rys. Sondyqtan dıqan­dar da qazirgi qıyn ke­zeń­de aldyńǵy shepte jumys istep júr.

Egis naýqanyna kóńil ból­gende, saıajaılardyń tirligin de esten shyǵarmaǵan jón. О́ıtkeni ózderiniń ólsheýli jerine kókónisin egip, sodan nápaqasyn taýyp otyrǵan azamattar da bar. Solardyń birqatary maǵan habarlasyp, jaǵdaıyn aıtty. Men bul jóninde Atyraý qalasynyń ákimimen sóılesip, máseleni tezdetip sheshýdi suradym. Merzimi ótip ketpeı tur­ǵanda mundaı sharýaqor adam­dardyń jumysynyń kidirip qalmaýyn da qadaǵalaý kerek.

Sársenbaı EŃSEGENOV,

Senat depýtaty