Osy sátke deıin málim bolǵan derek boıynsha Almaty oblysynda koronavırýspen aýyrǵandar sany 114 adamǵa jetti. Búgin Ile aýdanynda taǵy bir turǵynnan indet belgisi tabyldy.
- Ile aýdanynda búgin COVID-19 ınfeksııasymen aýyrǵan taǵy 1 adam tirkeldi. Profılaktıkalyq tekserilý kezinde 1988 jyly týǵan azamattan KVI anyqtalǵan. Naýqas qazir Qarasaı aýdandyq ortalyq aýrýhanasynyń ınfeksııalyq bólimine jatqyzyldy, - dep habarlaıdy Almaty oblysy ákiminiń baspasóz qyzmeti.
Juqpaly indet belgisi anyqtalǵan azamat 47 adammen qarym-qatynas jasaǵan, olardyń barlyǵy oqshaýlandy. Onyń ishinde 34 adamnyń tekserý qorytyndylary taza bolyp shyqty, epıdemıologııalyq tekserýler jalǵasýda.