Búginde bilim berý salasyna jiti kóńil bólý mańyzdy másele. Sonymen qatar, sanaly urpaq sapaly bilim arqyly qalyptasady desek, qazirgi kezde bul talapty oryndaýdyń artyqshylyǵy zor. Memleket qoldaýynyń nátıjesinde barlyq salaǵa kóńil bólinip, bilim salasyna basymdyq berilýde.
Qazirgi tańda Taraz qalasynda qurylys qarqyn alýda. Turǵyn úıler salynyp, kósheler jóndelýde. Sonymen qatar, bilim nysandaryna da tıisti deńgeıde kóńil bólinip, olarǵa jóndeý jumystary júrgizilýde.
Jambyl oblysynyń ákimi Berdibek Saparbaev búgingi jaǵdaıǵa baılanysty qashyqtyqtan oqytýǵa kóshken bilim nysandaryn qur qańyratpaı, olardy qurylys alańyna aınaldyrýdy tapsyrǵan bolatyn. Osyǵan oraı, Taraz qalasyndaǵy №17 Ǵ.Muratbaev atyndaǵy orta mektepte kúrdeli jóndeý jumystary bastalyp ketti. Endi bul jumys kóp uzamaı qaladaǵy №2, №4, №22, №16 orta mektepterinde de jalǵasyn tabady. Tipti keıbir bilim oshaqtarynyń ornyna jańa mektepter salý josparlanýda. Jumysty júıeli júrgizý, ony sapaly ári der kezinde aıaqtaýdy qadaǵalaý maqsatynda Taraz qalasynyń ákimi Aıtqazy Qarabalaev atalǵan bilim nysandaryndaǵy qurylys oryndarynda boldy.
Sondaı-aq shahar basshysy mektep syrtynda ornalasqan ájethanalardy ońtaılandyrý jumystarymen de tanysty. Bul tizimde 7 mektep bar eken. Onyń ekeýi jańadan salynatyn mektep esebinen rettelse, beseýine tıisti qarjy qarastyrylyp, qurylysy bastalyp ketken. Oblys ákimi Berdibek Saparbaevtyń tapsyrmasyna saı, olarǵa káriz júıesi jalǵanǵan bolýy jáne mektep ishinde ornalasýy qajet. Qala ákimi Aıtqazy Qarabalaev jumys sapasyn tekserý úshin qurylys basyna jıi baryp turatyn bolady.
Jambyl oblysy