Buǵan deıin habarlanǵandaı, Qazaqstan Prezıdenti Qasym-Jomart Toqaevtyń tapsyrmasy boıynsha 1 mamyrdan bastap Nur-Sultan jáne Almaty qalalary arasyndaǵy áýe reısteri ashylady.
Ushý aldynda jolaýshylar COVID-19 koronavırýsyna aqyly testileýden óz betinshe ótýi qajet. Endi testke qala turǵyndary Smart Astana qosymshasy arqyly «Medısına» – «COVID-19 testine jazylý» bóliminde jazyla alady.
Saýalnama avtomatty túrde «KDL Olımp» zerthanalaryna jiberiledi. Odan ári medısınalyq mekeme qyzmetkerleri qońyraý shalyp, emshara kabınetine shaqyrady. COVID-19 testi azamattardyń óz qarajaty esebinen, aqyly tapsyrylady.
Aıta ketý kerek, anyqtama 7 kúnge jaramdy. Eger jolaýshy Nur-Sultannan Almatyǵa ushyp kelip, qujattyń qoldanylý merzimi aıaqtalsa, qaıta oralý úshin ol qaıtadan aqyly testileýden ótýi qajet.