2020 jylǵy birinshi toqsanda QMG-nyń munaı tasymaldaý kólemi 5,8%-ǵa 18 517 myń tonnaǵa deıin azaıdy (QMG úlesine). Bul týraly atalǵan kompanııanyń jurtshylyqpen baılanys departamenti habarlady.
Munaı tasymaldaý kólemi QMG operasııalyq úlesine árbir jeke qubyr kompanııasynyń tasymaldaý kólemin eskeredi. Munaı kóleminiń bir bóligin eki nemese úsh qubyr kompanııasy tasymaldaýy múmkin jáne sáıkesinshe bul kólemder munaı tasymaldaýdyń shoǵyrlandyrylǵan kóleminde bir retten artyq esepke alynady. Magıstraldy qubyrlar arqyly munaı tasymaldaý kólemi 3,8%-ǵa azaıyp, 16 158 myń tonnany (QMG úlesine) qurady. Osyndaı shamaly deńgeıdegi tómendeý «SNPS-Aqtóbemunaıgaz» AQ-dan munaıdy shekteýli jetkizýine jáne munaı qubyrlary júıesine Qumkól ken oryndary tobynyń munaı tapsyrý kóleminiń azaıýyna baılanysty. Kólemniń azaıýy Kaspıı Qubyr Konsorsıýmynyń (KQK) tasymaldaý kólemindegi QMG úlesiniń 4,7%-ǵa3 514 myń tonnaǵa ósýimen ishinara óteldi.2020 jylǵy birinshi toqsanda munaıdy teńizben tasymaldaý kóleminiń 17,4%-ǵa 2 359 myńtonnaǵa deıin tómendeýi Jerorta teńizine jáne Aqtaý-Mahachkala baǵyty boıynsha júk jóneltýshiler kóleminiń azaıýymen túsindiriledi.
2020 jylǵy birinshi toqsanda QMG magıstraldy gaz qubyrlary arqyly gaz tasymaldaýkólemi 9,4%-ǵa 28 320 mln m³ deıin ulǵaıdy. О́sý negizinen túrkmen gazynyń trazınttik tasymaldaýyn iske asyrýymen, Qazaqstan Respýblıkasynyń aýmaǵy arqyly «Gazprom»JAO Reseı gazy aǵyndarynyń artýymen jáne О́zbekstanǵa gazdyń tranzıttik kólemderiniń ulǵaıýymen baılanysty.
2020 jylǵy birinshi toqsanda taýarlyq gazdy satý kólemi 2019 jylǵy birinshi toqsandaǵy satý kólemimen salystyrǵanda 7,8%-ǵa ulǵaıyp, 7 802 mln m³ qurady. Taýarlyq gazdyń eksporty 2 565 mln m³ qurady. Onyń 76%-y 2018 jyldyń qazan aıynda Qytaıǵa tabıǵı gazdy 10 mlrd m3 deıingi kólemde jetkizý týraly qol qoıylǵan kelisimniń sheńberinde Qytaı Halyq Respýblıkasynyń (QHR) aýmaǵyna eksportqa jiberildi. Pandemııa saldarynan 2020jylǵy birinshi toqsanda QHR baǵytynda gaz eksporty josparlanǵan kólemnen tómen, biraq ótken jylǵy birinshi toqsandaǵy jetkizý kóleminen 10%-ǵa joǵary boldy.
Mańǵystaý oblysy