Qyzylorda oblysynda ozyq tehnologııanyń kómegimen kúrishtiń qaýyzynan kremnıı kómirtegi qospasy men organıkalyq ónim alyndy. Bul týraly «Qazaqstan» telearnasy habarlady.
Álemdik tájirıbede alǵash ret kúrishtiń qaýyzyn elimizdegi «Baıqońyr» áleýmettik-kásipkerlik korporasııasy men mıneraldy shıkizatty keshendi óńdeý jónindegi ulttyq ortalyq mamandary kádege jaratyp otyr. Negizi, kúrishtiń qaýyzynan óndirilgen kremnıı kómirtegi qospasy metall tózimdiligin arttyryp qana qoımaıdy, ol sondaı-aq kún sáýlesinen qýat alatyn qurylǵylardyń qalypty jumys isteýine tikeleı áser etedi. Derek kózine júginsek, dúnıejúzinde jylyna 200 mln. tonna kúrish qaýyzy jınalady eken. Al Syr boıynda 1 jylda orta eseppen 40-50 myń tonnadaı jınalatyn qaýyz kádege jaratylmaı keldi...
Danııar Túımebaı.