Atyraýda da karantın merzimi 11 mamyrǵa deıin uzartyldy. Soǵan oraı kólik qozǵalysy shektelgen edi.
Endi kólik qozǵalysyna ruqsat beretin arnaıy saıt ashyldy. Biraq, ruqsat kóligi bar tulǵalardyń bárine birdeı berilmeıdi. Bul qyzmetke oblystyq bas sanıtarlyq dárigerdiń qaýlysymen jumys isteýge ruqsat etilgen kásipkerler men kásiporyn basshylary ǵana júgine alady.
Al jeke tulǵalar kóligin atalǵan saıtta resimdeı almaıdy. О́ıtkeni, bul júıe beıindi departamentterdiń elektrondyq bazalarymen, sondaı-aq, «Sergek» derekter bazasymen jasaqtalyp otyr. Demek, saıtta memlekettik kiris, statıstıka jáne basqa da departamentterdiń bazalaryndaǵy derektermen salystyrylyp, ruqsat berý týraly sheshim avtomatty túrde qabyldanady. Sodan keıin málimetter polısııa departamentiniń bazasyna engiziledi.
Joba jasaqtaýshylarynyń aıtýynsha, portal ashyqtyq pen adam faktoryn azaıtý úshin ázirlengen.