Qazaqstan halqy Assambleıasynyń «Qaıyrymdylyq kerýeni» aksııasyn Ázerbaıjan mádenı ortalyǵy qoldady, dep habarlady elorda ákimdiginiń baspasóz qyzmeti.
Qazaqstan halqynyń birligi kúni «Hazar» ázerbaıjan mádenı ortalyǵy az qamtylǵan otbasylar, tyl ardagerleri, kóp balaly analar merekeni sezinýge múmkindik alýy úshin 20 otbasyna merekelik azyq-túlik taratty. Azyq-túlik sebetinde ázerbaıjan taǵamy – shah-palaý jáne azyq-túlik ónimderi bar, dep habarlaıdy qala ákimdigi janyndaǵy «Qoǵamdyq kelisim» KMM baspasóz qyzmeti.
«Tótenshe jaǵdaı men karantın rejımine baılanysty qazaqstandyqtardyń kóbi jumyssyz. Dál osy qıyn-qystaý kezde biz bir-birimizge járdemdesip, kómek qolyn sozýymyz kerek. Qazaqstan halqy Assambleıasynyń «Hazar» ázerbaıjan mádenı ortalyǵy men «Sahil» meıramhana kesheni de qaıyrymdylyq sharalarynan tys qalmady. Azyq-túlik sebeti men jeke gıgıena zattarynan bólek, meıramhanamyz Qazaqstn halqynyń birligi kúnine oraı ázerbaıjan ashanasynyń basty taǵamy – shah palaý daıyndady. Bul merekelik taǵam búgin kómekke muqtaj otbasylardyń dastarhanynda bolǵanyn qaladyq. Qazir búkil álem indetpen kúresýde. Onyń ishinde Qazaqstan da bar. Bizdiń kúshimiz – birlikte! Biz birgemiz!», – deıdi QHA múshesi, «Hazar» ázerbaıjan mádenı ortalyǵynyń ókili Saııaf Ismaılov.
Aksııa uıymdastyrýshylary tizimge sáıkes merekelik syılyqtar taratty. Elordalyq QHA mesenattary muqtajdarǵa únemi kómek kórsetedi.