Memleket basshysy Nursultan Nazarbaevtyń atyna Ońtústik Qazaqstan oblysynyń zııaly qaýym ókilderinen hat keldi, dep habarlady Prezıdenttiń baspasóz qyzmeti.
Avtorlar Elbasy saıasatynyń arqasynda elimizdiń áleýmettik-ekonomıkalyq ahýaly jyldan-jylǵa jaqsaryp kele jatqanyn atap ótken.
Memleket basshysy Nursultan Nazarbaevtyń atyna Ońtústik Qazaqstan oblysynyń zııaly qaýym ókilderinen hat keldi, dep habarlady Prezıdenttiń baspasóz qyzmeti.
Avtorlar Elbasy saıasatynyń arqasynda elimizdiń áleýmettik-ekonomıkalyq ahýaly jyldan-jylǵa jaqsaryp kele jatqanyn atap ótken.
Odan ári hatta: «Qazaqstan búginde álemdik arenada bedeldi, abyroıy joǵary memleketter qataryna qosyldy. Halyq turmysynyń jaqsarýy, ekonomıkanyń nyǵaıýy jáne halyqaralyq qoǵamdastyqtyń bizben sanasýy – osynyń naqty dáleli. Bul – qazaqstandyqtar úshin zor qýanysh», – delingen.
Hat ıeleri Prezıdent tapsyrmasymen «Beıneý – Bozoı» halyqaralyq gaz qubyrynyń qurylysy júrgizilgenine, munyń ońtústik óńir turǵyndarynyń kógildir otynǵa degen suranysyn tolyq sheshetinine toqtalǵan.
Sondaı-aq, zııaly qaýym ókilderi hat sońynda: «Bul joba – Táýelsizdiktiń jáne Sizdiń basshylyǵyńyzdyń arqasynda eldegi áleýmettik máselelerdiń keshendi, aýqymdy sheshilip otyrǵanynyń taǵy bir aıǵaǵy. Qazaqstandy kórkeıtýdegi eren eńbegińiz úshin ońtústikqazaqstandyqtar atynan zor alǵys aıtamyz», – deıdi.
Ujymdyq hatqa Sosıalıstik Eńbek Erleri B.Shúkirbekov, T.Aǵabekov, jazýshy M.Baıǵut, Qazaqstannyń qurmetti jýrnalısi B.Qonysbek, OQO ardagerler keńesiniń tóraǵasy J.Máýlenqulov, OQO kásipodaqtar keńesiniń tóraǵasy D.Sherimqulov, eńbek ardageri S.Barahova, t.b. qol qoıǵan.