Premer-Mınıstr Asqar Mamınniń tóraǵalyǵymen ótken Úkimet otyrysynda Túrkistan oblysynyń ákimi О́mirzaq Shókeev kórshiles О́zbekstanda dambanyń buzylyp, sonyń saldarynan Túrkistan oblysy Maqtaaral aýdanyndaǵy eldi mekenderdi sý basýyna baılanysty jaǵdaıdy baıandady. Bul týraly Premer-Mınıstrdiń baspasóz qyzmeti habarlady.
2020 jyly 1 mamyrda О́zbekstannyń Syrdarııa oblysy Sardoba sý qoımasyndaǵy dambanyń bir bóligin sý shaıyp ketýiniń saldarynan jáne sý qoımasynda deńgeıin tómendetý úshin sýdy aǵyzý kesirinen Qazaqstannyń Túrkistan oblysy Maqtaaral aýdanyndaǵy shekara mańy kollektorlary sýǵa tolyp ketken. Kollektorlarǵa aqqan sý kólemi sekýndyna 180 kýbometrdi quraǵan, al kollektorlardyń ótkizgishtigi sekýndyna 120 kýbometrdi quraıdy. Sonyń saldarynan Maqtaaral aýdanynda birneshe aýyl sý astynda qaldy. О́ńirde tótenshe jaǵdaı jarııalandy.
Búgingi tańda 14 eldi mekennen 31 606 turǵyn evakýasııalandy. Turǵyndarynyń sany 6 127 adam bolatyn 5 eldi meken — Jańa Turmys, Jeńis, Fırdoýsı, О́rgebas, Dostyq aýyldary tolyǵymen sý astynda qalǵan. 7 eldi mekenniń áli de sý astynda qalý qaýpi bar, al eki eldi mekende — Myrzakent jáne Aqjolda sý basý qaýpi seıilgendikten, turǵyndar óz úılerine oraldy. 15 myń adam turatyn Myrzakent kentinde sý basý qaýpin boldyrmaý úshin aýqymdy jumystar júrgizildi.
2 mamyr kúni Maqtaaral aýdanynda shuǵyl túrde tehnogendi sıpattaǵy tótenshe jaǵdaı jarııalanyp, shuǵyl shtab quryldy. Apattan qutqarý jumystaryn júrgizý úshin 986 adam men 190 tehnıka tartyldy. Sonymen qosa, Shymkent qalasynan, Qyzylorda jáne Jambyl oblystarynan 30 motopomp, sý jınaıtyn sorǵylar alyndy. Sonymen qatar, Ulttyq gvardııanyń áskerı bólimi 413 áskerı qyzmetker men 37 tehnıka jiberdi. Qosymsha Almaty qalasyndaǵy Ulttyq gvardııanyń qutqarý batalonynan 320 áskerı qyzmetker men 26 tehnıka jetkizildi.
Atakent jáne Maqtaaral kentteriniń, Jambyl aýyldyq okrýginiń mektepteriniń bazasynda 14 evakýasııalyq qabyldaý pýnkti uıymdastyryldy, olarda búgingi tańda 3 200 adam ornalastyrylǵan. Qalǵan adamdar týysqandaryn panalaǵan. Evakýasııalyq qabyldaý pýnktteri barlyq qajetti jabdyqtarmen jaraqtalǵan. Karantınge baılanysty jaǵdaıdy eskere otyryp, 120 medısına qyzmetkeri kómek kórsetýde.
Tótenshe jaǵdaı saldarynan aldyn ala esepteýler boıynsha 845 turǵyn úı, 3 mektep, 5 balabaqsha, 4 medısına uıymy, 1 mádenıet úıi men 10 dúken sý astynda qalǵan. Sonymen qatar Jeńis aýylyndaǵy kópir men respýblıkalyq jáne oblystyq mańyzy bar 54,7 km avtojol sý astynda qalǵan. Budan basqa, 7 639 gektar egis alqaby zardap shekken. Sondaı-aq sý basqan aýmaqtaǵy ólip qalǵan mal sany naqtylandy. Búginde keltirilgen zalaldy esepteý jalǵasyp jatyr.
Aýdanda tártipti saqtaý jáne sý astynda qalǵan eldi mekenderdegi múlikti qorǵaý úshin 8 blokpost qoıylǵan. Polısııa departamentiniń jeke quramynyń 303 qyzmetkeri men 53 arnaıy tehnıka tartylǵan.
Nurly jol, О́rgebas, Yrysty, Jantaqsaı eldi mekenderinde sý basýdy boldyrmaý maqsatynda bógetter salyndy, Fırdoýsı eldi mekeniniń mańynda Myrzakent baǵytynda kollektor ornalastyryldy. Sonymen qatar, Maqtaaral aýdanynda sýdy jyldam shyǵarý úshin ózbek tarapy kanal qazdy.
«Jalpy, biz ózbek mamandarmen tyǵyz árekettesip otyrmyz. О́zbekstanda jaǵdaı turaqtaldy. Sondyqtan olar óz tehnıkasymen kelip, bizdiń kollektorlardy tazartyp berýge ázir», — dedi О́. Shókeev.
Sý astynda qalǵan eldi mekenderden sý ketken soń Arys qalasyndaǵy tótenshe jaǵdaı tájirıbesi boıynsha ár aýla aralanyp, ár otbasynyń shekken zardaby baǵalanady. Odan soń komıssııa úılerdiń qalaı qalpyna keltiriletinin sheshedi. Sonymen qatar, árbir zardap shekken otbasyǵa ótemaqy tóleý múmkindigi qarastyrylýda. О́. Shókeev egis alqaptary sý astynda qalǵan sharýalardyń shekken zalalyn óteý qajettigin de atap aıtty.
«Biz evakýasııalanǵan turǵyndarmen túsindirý jumystaryn júrgizip jatyrmyz. Halyq bul jaǵdaıda túsinistik pen sabyrlyq tanytýda. О́zbekstanda da jaǵdaı qıyn. Onda 10 eldi meken sý astynda qalǵan, 70 myń adam evakýasııalanǵan. Biz osy qıyn jaǵdaıdan ortaq kúsh-jigerimizben shyǵý týraly kelisimge keldik», — dep túıindedi Túrkistan oblysynyń ákimi.