HVI ǵasyrdyń basy Qazaq handyǵynyń nyǵaıý kezeńi boldy. Bul ýaqytta Shaıban urpaqtary ony qulatý maqsatymen birneshe joryqtar uıymdastyrdy. 1510 j. Muhammed Shaıbanı hannyń qazaqtarǵa qarsy úlken joryǵy uıymdastyryldy.
Ol basynda sátti bolǵanymen Shaıban urpaqtarynyń áskerlerin Qasym han áskerleri talqandady. Bul joryq Muhammed Shaıbanıdyń qazaqtarǵa qarsy sońǵy joryǵy boldy. 1510-1520/21 jyldar Qazaq handyǵynyń Qasym han tusyndaǵy dáýirleý kezeńi bolyp tabylady. 1521 j. Qasym han ólgennen keıin qazaq memleketiniń álsireý kezeńi bastaldy, kórshilestermen bolǵan soǵystarda handyq keıbir jerleri men adamdardan aıyryldy. 1537 j. Santash shaıqasynda qazaqtar moǵol-ózbek áskerlerinen úlken jeńilis tapty. Tek HVI ǵ. 50-shi jyldary bılikke Qasymnyń uly Haqnazar hannyń kelýimen qazaq memlekettigi qaıta nyǵaıa bastady. Haqnazar han men Shyǵaıdyń az ýaqyt basqarýynan keıin, Táýekel han Qazaq handyǵyn nyǵaıtýdy jalǵastyrdy. 1589/99 jj. Ol Orta Azııaǵa Shaıban urpaqtaryna qarsy joryq jasap, jetistikterge jetti. Osyndaı bir shaıqastarda Táýekel han jaraqat alyp, qaıtys bolady.