7 mamyr kúni Otan qorǵaýshylar kúnine jáne Uly Otan soǵysyndaǵy Jeńistiń 75 jyldyǵyna arnalǵan onlaın-konsertter ótedi. Merekelik konserttik baǵdarlamada QK Ulttyq áskerı-patrıottyq ortalyǵy Ortalyq ansambliniń ártisteri óner kórsetedi.
Úlken merekelik konsert «Habar» telearnasynyń efırinde saǵat 16.15-te (Nur-Sultan ýaqyty boıynsha) kórsetiledi. Sol kúni saǵat 21.00-de naqty ýaqyt rejıminde zvezda-na-karantine.kz jáne «Karantındegi juldyz» jobasynyń Youtube arnasynda onlaın-konsert ótedi.
Áskerı ansambldiń mýzykanttary men vokalısteriniń oryndaýynda memlekettik jáne orys tilderinde «Svıashennaıa voına», «Poklonımsıa velıkım tem godam», «Jýravlı», «V zemlıanke», «Mahnem, ne glıadıa», «Ehal ıa ız Berlına» «Álııa», «Uly jeńis», «Voennymı ne rojdaıýtsıa», «Uly dala sarbazdary», «Otanym», «Armııa vpered», «Egemendi Qazaqstan» syndy mýzykalyq kompozısııalardy oryndaıdy.
Sonymen qatar, 7 jáne 9 mamyrda saǵat 10.00-den 13.00-ge deıin áskerı mýzykanttar elorda turǵyndaryn jandy oryndaýdaǵy ándermen qýantady. Áskerı ártister avtokólikte birneshe baǵyt boıynsha patrıottyq mýzykalyq kompozısııalardy oryndaı otyra, elorda kóshelerimen júrip, turǵyn úılerdiń aýlalaryna baryp, turǵyndardy quttyqtaıtyn bolady.