Sý tasqynynan zardap shekken Túrkistan oblysyndaǵy Maqtaaral aýdany turǵyndaryna kómek retinde ERG $5 mln qarajat bólip otyr. Qomaqty qarjy tilsiz jaýdan zardap shekken óńirdi qalpyna keltirýge jumsalady.
«ERG áleýmettik jaýapty kompanııa retinde elde tótenshe jaǵdaı oryn alyp jatsa, árdaıym kómek berýge umtylady. Bul joly da Maqtaaral turǵyndarynyń basyna is túskende Eýrazııalyq Top ujymy men basshylyǵy shet qala almaıdy. Biz aımaqtyń tezirek qalpyna kelýin jáne turǵyndarǵa syn saǵatta barynsha sabyr tileımiz», – dedi Eurasian Resources Group Dırektorlary keńesiniń tóraǵasy Aleksandr Mashkevıch.
Eurasian Resources Group Qazaqstannyń birqatar oblystarynda áleýmettik mańyzdy jobalardy júzege asyrý jóninde jasalatyn Memorandýmdar aıasynda turaqty qoldaý kórsetip keledi.
Jalpy alǵanda 2001-2019 jyldar aralyǵynda Eýrazııalyq Top quıǵan áleýmettik ınvestısııalardyń jalpy kólemi 272,5 mlrd teńgeden asqan. Budan sál erterekte, ERG koronavırýs ınfeksııasynyń taralyýna tosqaýyl qamynda respýblıkalyq «Biz birgemiz» qoryn qurýǵa alǵashqylardyń biri bolyp $10 mln bólse, Elordadaǵy aldyn alý sharalaryna qosymsha 100 mln teńge baǵyttaǵan bolatyn. Pandemııaǵa qaramastan, Eýrazııalyq Top quramyndaǵy barlyq kásiporyndar qalypty tártipte jumys istep jatyr. О́ndiris josparlary tııanaqty oryndalýda.