Ońtústikkoreıalyq CJ-CGV kınoteatrlar jelisi jumysyn bastap ketti. Biraq, bir qyzyǵy, munda endi kádimgi qyzmetkerler emes, jasandy ıntellekt ıelengen robottar qyzmet kórsetpek. Bul týraly Yonhap basylymy habarlady.
CJ-CGV Ońtústik Koreıadaǵy asa iri kınoteatr jelisi. Olar tehnologııalyq jańalyqty koronavırýs pandemııasy kezinde ár nárseden saqtanýdy ádetke aınaldyrǵan kórermenderdi ózderine tartý úshin engizgen. Kınoteatr jelisiniń basshylyǵy tek qana robottardy emes, avtomattandyrylǵan kıoskiler men mobıldi qosymshalardy da qoldanýdy oılastyryp otyr.
Basylym bergen málimetke sáıkes endi kórermender kınoteatrdyń aldyndaǵy kassada kezekte turmaıdy, onyń ornyna avtomattandyrylǵan kıoskilerdiń qyzmetin paıdalanady. Sondaı-aq, kafe terrıtorııasyndaǵy qyzmetkerlerdi robottar aýystyrmaq. Arnaıy mobıldi qosymsha arqyly berilgen tapsyrystardy robottar jetkizip turatyn bolady.
CJ-CGV kınoteatrlar jelisi robotqa qyzmet qyldyryp qoıǵan eldegi jalǵyz kompanııa emes. Munyń aldynda Lotte Cinema kınoteatrlar jelisi de osy tásilge kóshken edi. Olar ózderiniń 130 kınoteatrynyń 22-sin avtomattandyrylǵan rejımge aýystyryp úlgerdi.