Atyraýda koronavırýs ınfeksııasyn juqtyrǵandardyń basym bóligi atalǵan ken ornynyń jumysshylary bolyp otyr.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, jumysshylar turǵan vahtalyq kentte qaýipti indettiń 17 oshaǵy anyqtalypty. Ken ornynan 16 200 jumysshy turǵylyqty mekenjaılaryna jiberilgen. Jaqyn kúnderi taǵy 800 adamdy shyǵarylmaq.
– Qazirgi ýaqytta Teńiz kenishindegi merdigerlik mekemelerden 359 adam ınfeksııa juqtyrdy. Onyń 64-i jazylyp shyqty. Sońǵy táýlikte munda indetke shaldyqqan 90 adam tirkeldi. Olar buryn anyqtalǵan naýqastarmen baılanysta bolǵandar,- dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń bas mamany Almagúl Kóshkinbaeva.