Bul týraly DSM baspasóz qyzmeti habarlady.
Medısınalyq aqparattyq júıelerdiń ózara árekettesýi kezinde almasatyn aqparattyń mánin birdeı túsinýdi qamtamasyz etý úshin QR Densaýlyq saqtaý vıse-mınıstri O.A. Ábishev 2020 jyly 23 sáýir kúni «Sıfrlyq densaýlyq saqtaý keńistiginde obektilik sáıkestendirgishti berý týraly» erejesin bekitti.
Ereje bir platformada biryńǵaı ortalyqtandyrylǵan medısınalyq derekterdiń qoımasyn qurýǵa múmkindik beredi. Bul úlken derekterdi qosymsha óńdeýsiz almasý bolyp tabylady.⠀Bul oqıǵa AQSh Qorǵanys mınıstrliginiń qaýip-qaterdi azaıtý jónindegi agenttigin qyzyqtyrdy. COVID-19 pandemııasymen kúres kezinde atalǵan taqyryptyń ózektiligin eskere otyryp, Agenttik Qazaqstan Respýblıkasynyń Densaýlyq saqtaý mınıstrligin BNSR (Biosurveillance Network of the Silk Road countries) onlaın sessııasyna Qazaqstannyń densaýlyq saqtaý júıesin sıfrlandyrý boıynsha tájirıbesin ózge memlekettermen bólisý úshin spıker retinde shaqyrdy.⠀Barlyq sessııalar Bnsr platformasynda Jibek joly elderiniń epıdemıologtary men medısına mamandary úshin ashyq alańda ótkiziledi.⠀Qazaqstan Respýblıkasynyń Densaýlyq saqtaý mınıstrligi Bıologııalyq qaýipti azaıtý jónindegi baǵdarlama aıasynda AQSh-tyń seriktesi bolyp tabylady.⠀Qazirgi ýaqytta eki taraptyń da baǵdarlama sarapshylary Covid-19 pandemııasyna qarsy kúreske belsendi tartylǵan. Sondaı-aq, Ortalyq Azııa, Kavkaz, Taıaý Shyǵys jáne Shyǵys Eýropa elderinen shaqyrylǵan tar beıindi sala mamandary men kásibı medısına salasynyń tyńdaýshylarymen/qatysýshylarymen turaqty negizde beınekonferensııalar ótkizilip turady. О́tken aptada qazaqstandyq medısınalyq mekemeler men úkimettik qurylymdardyń ókilderi koronavırýsty emdeý hattamalaryna, taralýyna, ǵylymı tásilderine qatysty sessııalarǵa qatysqan bolatyn.