TJ rejımi kezinde Energetıka mınıstrligi qabyldaǵan sharalar

QR-dan tys jerlerge avtomobıl kóligimen munaı ónimderin áketýge tyıym salýdy alyp tastaý (2020 jylǵy 10 sáýirden bastap qoldanylady); Keden odaǵy elderinen tys jerlerge munaı ónimderin eksporttaýǵa salynǵan tyıymdy alyp tastaý (2020 jylǵy 6 sáýirden bastap qoldanylady); Eksportqa satylatyn benzın jáne dızel otyny boıynsha aksızdeletin taýarlardy óndirýshilerdi aksız tóleýden bosatý (27 naýryzdan 31 jeltoqsanǵa deıin qoldanylady); RF-dan QR-ǵa benzın, dızel otyny men avıasııalyq otyndy temir jol arqyly tasymaldaýǵa tyıym salý (30 naýryzdan 1 shildege deıin qoldanylady); Munaı ónimderine, onyń ishinde benzınge, dızel otyny men mazýtqa kedendik áketý bajdarynyń stavkalaryn nóldeý (2021 jylǵy 1 sáýirden bastap 1 qańtarǵa deıin qoldanylady); Qazaqstan Respýblıkasy Úkimetiniń qaýlysymen Munaıdan óndiriletin taýarlarǵa (benzın, avıasııalyq jáne dızel otyny, mazýt, vakýýmdyq gazoılǵa) baǵa belgileý tártibin belgileıtin Munaıdan óndiriletin taýarlarǵa baǵa belgileý qaǵıdalary (ádistemesi) bekitildi (2020 jylǵy 15 naýryzdan bastap 30 maýsymdy qosa qoldanylady).

Kóktemgi egis jumystaryn júrgizý úshin jeńildetilgen baǵamen 386,5 myń tonna dızel otyny bólindi:

Memleket basshysynyń tapsyrmasyn oryndaý sheńberinde QR EM kóktemgi egis jumystaryn júrgizý úshin bir lıtr úshin 165 teńge jeńildikti baǵamen 386,5 myń tonna dızel otynyn bóldi (JJM stansııasyndaǵy dızeldik otynnyń ortasha bólshek baǵasy bir lıtr úshin 188 teńgeni quraıdy). Bul shara kóktemgi egis jumystaryn turaqty júrgizýge baǵyttalǵan.

Avtokólik júrgizýshileri úshin suıytylǵan gazǵa shekti baǵalar belgilendi:

Energetıka mınıstrligi oblys ákimdikterimen birlesip, barlyq 2165 avtogaz quıý stansııalarynyń eń tómengi jáne eń joǵarǵy baǵasyna taldaý jasady. Onyń qorytyndysy boıynsha Energetıka mınıstrliginiń 03.04.2020 j. № 125 jáne Ulttyq ekonomıka mınıstrliginiń 03.04.2020 j. № 22 birlesken buıryǵymen avtogaz quıý stansııalarynda avtokólikke quıýǵa arnalǵan suıytylǵan munaı gazyn bólshek saýdada ótkizýdiń shekti baǵalary belgilendi. Jalpy, Qazaqstanda suıytylǵan munaı gazynyń ortasha baǵasy 8% - ǵa tómendedi (TJ kezinde qoldanyldy).

Jer qoınaýyn paıdalanýshylar otandyq óndirýshilerden taýarlardy konkýrstyq rásimdersiz satyp alý múmkindigine ıe boldy:

 - Bul shara jer qoınaýyn paıdalanýshylarǵa eki aıǵa deıin sozylatyn konkýrstyq rásimdersiz qazaqstandyq óndirýshilerden taýarlardy bir kózden satyp alýǵa múmkindik berdi. Bul qazaqstandyq kompanııalardyń úzdiksiz jumysyn jáne bıýdjetke salyqtardyń túsýin qamtamasyz etýge múmkindik berdi (tótenshe jaǵdaı rejımi kezinde qoldanyldy, qazirgi ýaqytta Mınıstrlik osy normany odan ári uzartý boıynsha jumys júrgizýde).

Tutynýshylar tarapynan kommýnaldyq qyzmetterge aqy tóleý merzimderiniń buzylýyna baılanysty energetıkalyq kásiporyndarda birqatar problemalardyń týyndaý táýekelderin boldyrmaý úshin Indýstrııa jáne ınfraqurylymdyq damý, Ulttyq ekonomıka, Qarjy mınıstrlikteri «Tótenshe jaǵdaı kezeńinde kommýnaldyq qyzmetterdi jetkizýshilerdiń shyǵyndaryn óteý qaǵıdalaryn bekitý týraly» birlesken buıryq shyǵardy.

Energııa óndirýshi uıymdarda elektr energııasyn óndirýge shekti tarıftiń ósýine jol berilgen joq:

2020 jylǵy 1 qańtardan bastap energııa óndirýshi uıymdardyń kómirge (2019 jylmen salystyrǵanda bir tonnasy úshin 2133 teńge nemese 9,9%-ǵa joǵary) jáne jańartylatyn energııa kózderin qoldaý jónindegi qarjy-esep aıyrysý ortalyǵynan elektr energııasyn satyp alýǵa (2019 jyly 31,68 teńge/kVtsaǵ-dan 2020 jyly 34,62 teńge/kVtsaǵ-ǵa deıin tarıftiń ósýi) shyǵyndary ósti. Joǵaryda kórsetilgen faktilerge qaramastan, mınıstrlik eldegi tótenshe jaǵdaı kezinde elektr energııasyn óndirýge shekti tarıfterdi bekitilgen deńgeıde belgiledi.

TJ kezinde otyn-energetıka kesheni kásiporyndarynyń úzdiksiz jumysy uıymdastyryldy.