«Kórshiń ash otyrǵanda toq otyrmyn deme» degendeı Soltústik Qazaqstannyń halqy da bastaryna is túsken túrkistandyq baýyrlaryna qoldan kelgen kómekterin kórsetýde.
Jýyrda Maqtaaral aýdanyna Qyzyljar óńirinen 20 tonna azyq-túlik, onyń ishinde 14 tonna un, 5 tonna kartop jáne 1 tonna makaron ónimderi attandyryldy. Zardap shekken otandastarymyzǵa Soltústikten alǵashqy kómek osylaı júrip ketti.
Júkti jetkizýge basshylyq jasaý mindeti oblystyń veterınarııa basqarmasynyń basshysy Berik Áljanovqa tapsyrylǵan eken. О́ziniń qysqa sózinde ol: «Soltústikqazaqstandyqtar otandastarymyzdyń qaıǵy-qasiretinen tys qalmaýymyz kerek. Bul júk Maqtaral aýdanynyń evakýasııalanǵan turǵyndary úshin jınalyp, az ýaqytta daıyn boldy. Júktiń negizgi bóligi adamdarǵa birinshi kezektegi qajetti zattar», - dedi ol.
Qaıyrymdylyq kómek jınaýǵa oblystyq ákimdik, «Nur Otan» partııasy, memlekettik uıymdar, «Soltústik» ÁKK ókilderi, depýtattar men bıznesmender qosyldy. Sý tasqynynan zardap shekkenderge kómek kórsetý jónindegi arnaıy shtabpen turaqty baılanys ornatylǵan.
Túrkistan oblysy ákimdiginiń málimetine qaraǵanda búgingi tańda Maqtaral aýdanyndaǵy 14 aýyldyń 30 myńnan astam turǵyny qaýipsiz jerlerge kóshirildi. Sý astynda 845 úı, 3 mektep, 5 balabaqsha, 4 medısınalyq ǵımarat jáne mádenıet úıi, 55 km jol men kópir qalypty.
Soltústik Qazaqstan oblysy