Jylyoı aýdanyndaǵy Teńiz kenishinde qaýipti indet órship tur. Búgin munda 142 qyzmetkerdiń koronavırýs juqtyrǵany anyqtaldy.
– Qaýipti indet juqtyrǵan naýqastardyń bári – Teńiz kenishindegi merdigerlik mekemeniń qyzmetkerleri. Olar vahtalyq aýysym aldynda turǵylyqty mekenjaıyna barý úshin mindetti skrınıngten ótken. Barlyǵy ınfeksııalyq stasıonarǵa jatqyzyldy. Qazir algorıtmge sáıkes em qabyldap jatyr, - dep habarlady tótenshe jaǵdaı rejımin qamtamasyz etý jónindegi óńirlik jedel shtabtan.
Búgingi bul derek Atyraý oblysynda koronavırýs ınfeksııasyna shaldyqqan adamdar sanyn 769-ǵa jetkizdi. Olardyń arasynan 174 naýqas jazylyp shyqty.