«Jumyspen qamtý» jumyssyz qaldyrmaıdy

Nıet etkenge násip bar

Qaraǵandy oblystyq jumyspen qamtý­dy úılestirý jáne áleýmettik baǵ­dar­lamalar basqarmasy usynǵan máli­metke saı, bıyl óńirde jol kartasy aıasynda 63,7 mlrd teńge somasyna 16 106 jańa jumys ornyn ashý kóz­delgen. Eskere ketetin bir jaıt, mu­nyń ishinde 8053 orynǵa joldama jumys­pen qamtý ortalyqtarynan beriledi.

Jumys oryndary ashylǵannan keıin onda eńbek etetin adamdardyń da áleýmettik jaǵdaıy nazardan tys qalmaıdy. Memleket basshysynyń tapsyrmasyna saı, «Jumyspen qamtý­dyń jol kartasy» aıasynda basqa jerge baryp jumys isteýge nıet bildirgen azamattarǵa eń tómengi eki eńbekaqy mólsherinde, ıaǵnı 85 myń teńge shamasynda kóterme aqy tólenedi. Iаǵnı Qaraǵandy oblystyq jumyspen qam­týdy úılestirý jáne áleý­mettik baǵ­­darlamalar basqar­ma­synyń bas­shysy Ásem Júnisbekova­nyń: «Jumys berýshi merdigerler halyq­ty jumyspen qamtý ortalyqtary ınfra­qurylymdyq jobalardy iske asyrýǵa qatysý úshin jibergen jumys­syz­darmen eńbek shartyn jasasqan kúnnen bastap, úsh jumys kúni ishinde olarǵa eń tómengi eki eńbekaqy mól­sherinde bir jolǵy materıaldyq kómek kórsetedi», dep málimdeýin osy tapsyrma aıasynda jasalǵan naqty qadam dep esepteýge bolady.

«Jumyspen qamtýdyń jol kartasy» aıasynda boı kóteretin 33 jańa nysannyń qatarynda mektepter, bala baqshalar, sport nysandary jáne tarıhı-mádenı keshender bar. Mysaly, Jezqazǵan qalasy men Jańaarqa aýdanynda jańa mektepter salý, Sátbaev qalasynda balabaqsha men oqýshylar saraıynyń qurylysyn bastaý josparlanǵan. Budan bólek, oblysta bir operasııalyq blok pen eki jedel járdem stansasy boı kóteredi.

Deneshynyqtyrý jáne sport salasyna da aıryqsha kóńil bóline­di. Naqtyraq aıtqanda, Jezqazǵan, Saran, Shahtınsk qalalary men Ulytaý aýdanynda deneshynyqtyrý-saýyqtyrý keshenderiniń, Qaraǵandy qalasy men Nura, Jańaarqa aýdan­darynda júzý basseınderiniń qury­ly­syn bastaý josparda bar.

Mádenıet salasyna kelsek, Jez­qaz­­ǵan qalasynda tarıhı-mádenı keshen­­niń qurylysy bastalady.

Aýqymdy joba aýyldy da qamtıdy

Búgingi kúnde kommýnaldyq qyz­met sapasyn arttyrý máselesi kún tár­tibinde tur. Osy sharýanyń aıa­synda oblysta 15 nysan jańadan boı kóteredi. Sý jelisi boıynsha Buqar jyraý, Jańaarqa, Qarqaraly, Nura, Osakarov aýdandarynda jáne Saran qalasynda segiz jobany júzege asyrý josparǵa alynǵan. Al Sát­baev qalasy men Ulytaý aýdanynda káriz jelilerin aýystyrý boıynsha jumystar bastalady. Munymen qatar Qaraǵandy, Balqash, Saran jáne Shah­tınsk qalalarynda jylý jelileri jańa­dan tartylyp, Shahtınsk qala­synda elektr jelisi tartylady. Son­daı-aq oblys ortalyǵynda jol jón­deý jumystary josparǵa saı júr­gizile beredi.

Joǵaryda aıtyp ótkenimizdeı, jol kartasy aıasynda aýyldyq jerler de nazardan tys qalmaıdy. Mysaly, eldi mekenderdi abattandyrý boıyn­sha qolǵa alynyp jatqan 134 joba aıa­syn­da 47 kóshege jaryq shamdary orna­ty­­lyp, eki kóshege jasyl jelekter otyr­­ǵy­zy­lady. Buǵan qosa, 27 saıabaq pen sk­ver jańǵyrtylyp, ıesiz turǵan 4 ny­san qulatylady jáne 9 balalar men sport alańdaryn ashý kózdelgen.

Sonymen qatar atalǵan jol kartasy bo­ıyn­sha uzaq jyldar boıy jóndeý kór­meı, tozyp turǵan 458 mádenı-áleý­met­tik nysanǵa, ınjenerlik-trans­port­­tyq ınfraqurylymǵa jáne tur­ǵyn úı kom­mýnaldyq sharýashylyq ny­san­­­da­ry­­na jóndeý jumystary júrgiziledi.

Bıyl qolǵa alynǵan «Jumys­pen qamtýdyń jol kartasy» aýqy­my­nyń keńdigin aıta ketken lázim. My­saly, bul baǵdarlama 140 eldi mekenniń aýmaǵyn qamtıdy. Qazirgi ýaqytta bul sharapatty sharýaǵa at salýshylardy anyqtaý, jóndeý ju­mys­tarynyń kestesin jasaý jáne otandyq óndirýshilerdi tartý maq­satynda jumysqa qajetti qurylys materıaldarynyń kólemin naqtylaý jumystary pysyqtalý ústinde.

Bul jerde atalǵan jobalardy iske asyrý jumystaryna resmı tirkeýde turǵan jumyssyzdardy meılinshe kóbi­rek tartý basym baǵytta qaras­ty­ry­­­latyn bolady. Ásirese jumys­syz jas­­tarǵa erekshe kóńil bólinedi. Búgin­de osy maqsatta WhatsApp je­li­sinde onlaın-keńes berý toby ashylyp, buqaralyq aqpa­rat qu­­ral­daryn­­­da, áleýmettik jeli­ler­­de «Ju­myspen qamtýdyń jol kar­­­tasy» baǵ­darlamasy týraly jáne ınf­­­­ra­­­qu­rylymdyq jo­ba­larǵa jumys­­qa qa­byldaý jaıly aq­parattar jarııalanǵan.

Al qazirgi tańda eńbek resýrsynda arasynda betonshy, tas qalaýshy, elektr sheberi, dánekerleýshi jáne basqa da mamandyq ıeleri bar 9715 adamnyń turǵanyn esepke alsaq, bul oblystaǵy jumyssyzdyq máselesin sheshýdegi óte zor múmkindik.

«Jol kartasy» – jiti nazarda

Jumyspen qamtýdyń jol kartasy aıasynda satyp alynatyn jumys pen qyzmet túrlerine qoıylatyn talaptar da qatań bolady. Búgingi kúnde ol jóninde baǵdarlama ákimshileri jáne qalalar men aýdandardyń basshylary habarlanyp, tıisti qujattardy qa­byldap alǵan. Budan bólek, aýdan­dar men qalalardaǵy jumyspen qam­tý ortalyqtarynyń bazasynda 18 qoz­ǵalmaly rekýrt beketteri ashylyp, av­tokólikpen qamtamasyz etildi.

Taıaýda Jezqazǵan, Sátbaev qala­lary­na jumys saparymen barǵan ob­lys basshysy Jeńis Qasymbek óńir­degi «Jumyspen qamtýdyń jol kartasy» jáne «Nurly jer» baǵdarla­ma­lary boıynsha atqarylyp jatqan jumys­tarmen tanysqan bolatyn. Sonda belgili bolǵandaı, bir ǵana Jez­qaz­ǵan­da atalǵan baǵdarlama boıynsha jalpy somasy 3,9 mlrd teńge bolatyn 36 joba júzege asyrylýda eken. Onyń ishinde, 33 ınfraqurylymdyq joba jáne úsh qurylys jobasy bar. Al Sátbaev qalasynda jol kartasy aıasynda turǵyn úı-kommýnaldyq sharýa­shylyǵy, bilim berý, qurylys, den­saýlyq saqtaý salalary boıynsha 18 jobany júzege asyrý josparlanǵan. Úsh balabaqshada, tórt mektepte kúrdeli jóndeý jumystary bastalypty. Aýrýhanany kúrdeli jóndeý josparlanǵan. Joldar qalypqa keltirilip jatyr. Osy atalǵan barlyq jobalar boıynsha 800-ge jýyq adamdy jumyspen qamtý kózdelgen.

Jalpy, «Jumyspen qamtýdyń jol kartasy-2020» baǵdarlamasynyń Qaraǵandy oblysyndaǵy jumyssyz­dyqtyń deńgeıin birshama tómende­tetini belgili. Oblys basshylyǵy jos­par­daǵy jobalardy tolyqtaı iske asyrýǵa barlyq múmkindikterdiń qa­ras­­ty­rylǵanyn aıtady. Sonymen qatar «Jol kartasy» baǵdarla­masy­nyń oryndalý barysyn jergilikti atqarýshy bılik jiti nazaryna alǵan. Bul týrasynda óńir basshysy Jeńis Qasymbek oblystyń qalalary men aýdandaryn jumys saparymen aralaý barysynda jıi eske salyp júr.

Qaraǵandy oblysy