Oblys ortalyǵyndaǵy Lermontov atyndaǵy ortalyq kósheniń boıyndaǵy aıaldamalardyń ábden-aq tozyǵy jetip, tóbelerinen sý aǵyp, qulaıyn dep ázer-aq tur.
Sýrette kórinip turǵan myna bir aıaldamaǵa tipti de qaraýǵa uıat. Onymen qoımaı dál aldyndaǵy qoqys salǵyshqa qaratyp Abaı atamyzdyń sýreti salynǵan.
Ishi-syrtyna uly aqynymyz Abaıdyń sýretterin salyp, tipti naqyl sózderin eki tilde jazyp qoıypty. Áıteýir bir jaqsysy, ázirge sýretter aman, jyrym-jyrym jyrtylmaǵan, naqyl sózder shımaılanbaǵan.
Árıne indettiń taralýyna oraı qazir burynǵydaı emes turǵyndar qarasy az. Áıtse de, aıaldamada avtobýs kútkender, kózderi aıfondaryna telmirgen jastar bul jerde ne jazylyp turǵanyna, kimniń sýreti salynǵanyna nazar aýdarar emes.
Tipti áleýmettik jelilerge birdeńe jibermeksiz be ózi, meni túsirmeńiz, – dep turǵan jerlerinen qashqalaqtaı bastady.
Al Abaıdyń 175 jyldyǵyna oraı osyndaı masqaraǵa tapsyrys bergen qalalyq ákimdik, ishki saıasat bólimi qyzmetkerleriniń qyrsyzdyǵyna tańǵalasyń. Jeńil kólikterge jappaı Abaıdyń naqyl sózderin jazyńdar dep taǵy bir yńǵaısyzdyq jasady.
Abaı – bilgenge marjan, bilmeske arzan. Atamyzdyń «Segiz aıaq» óleńi de tegin jazylmaǵan eken ǵoı. «Boıda qaırat, oıda kóz, bolmaǵan soń, aıtpa sóz» deıdi.
О́zderi uly aqyndy oqyp-bilmeı, tanysyp almaı, aıaldamada turǵan jurtty úıretpekshi. Eger oqyǵan bilgenderi bar bolsa, ultymyzdyń asylyn mazaq etip, aıaldamadan oryn bermes edi.
Pavlodar