Dúnıejúzilik bank tóraǵasy Devıd Malpasstiń: «Koronavırýs saldarynan álem boıynsha 60 mln adam asharshylyqqa ushyrýy múmkin», degen boljamyn «RIA Novostı» sııaqty iri aqparat kózderi taratýda.
«Bizdiń paıym boıynsha, indet saldarynan álemde 60 mıllıon adam asharshylyqqa uryný yqtımaldyǵy anyqtalyp otyr. Bunyń aldyn alýǵa sońǵy úsh jyl boıy úzdiksiz júrgizilip kelgen álem halyqtaryn asharshylyqtan qutqarý jónindegi halyqaralyq baǵdarlamanyń shamasy keletin emes. Dese de bank qoldan kelgen kómegin jasaıtyn bolady. Ol úshin órkeni tómen 100 memleketke qarjylaı qaryz berýdi josparlap otyr. Iаǵnı, osy maqsat úshin kelesi jyldyń alǵashqy alty aıynda 160 trıllıon dollar qarjy jumsaý kózdelýde» deıdi bank tóraǵasy.