Qazaqstan Respýblıkasynyń Úkimeti elimiz azamattary Armenııa Respýblıkasynda tirkelgen kólikterin Qazaqstanǵa ákelip, paıdalanýyna qatysty Qaýly qabyldady dep habarlaıdy primeminister.kz.
Qazaqstan Respýblıkasynyń Úkimeti QAÝLY ETEDI:
1. Qazaqstan Respýblıkasynyń Ishki ister mınıstrligi 2020 jylǵy 1 qyrkúıekke deıin zańnamada belgilengen tártippen:
1) Qazaqstan Respýblıkasy Salyq kodeksiniń 553-baby 4-tarmaǵynyń 1.1) tarmaqshasyna sáıkes memlekettik tirkeý úshin alym men Qazaqstan Respýblıkasy Salyq kodeksiniń 615-babyna sáıkes memlekettik bajdar tóleı otyryp, Armenııa Respýblıkasynyń ýákiletti organdarynda Qazaqstan Respýblıkasynyń azamattaryna tirkelgen jáne Qazaqstan Respýblıkasyna 2020 jylǵy 1 aqpanǵa deıin ákelingen, júrgizý organdary sol jaqta ornalasqan kólik quraldaryn tirkeý;
2) osy qaýlynyń 1-tarmaǵynyń 1) tarmaqshasynda kórsetilgen kólik quraldaryn tirkeý kezinde beriletin memlekettik tirkeý nómiri belgileriniń tıpin bekitý;
3) menshik ıesi osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldaryn bastapqy tirkeý ne Qazaqstan Respýblıkasynan tys jerlerge shyǵarý týraly sheshim qabyldaǵan jaǵdaıda oǵan qatysty tirkeý is-áreketterin jasaýdy qamtamasyz etý boıynsha sharalar qabyldasyn.
2. Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi kólik quralyn tirkeýdi júzege asyrý kezinde Armenııa Respýblıkasynyń ýákiletti organdary bergen kólik quraldaryn tirkeý qujattarynyń túpnusqalaryn jáne memlekettik tirkeý nómiri belgilerin menshik ıeleri suraǵanǵa deıin saqtaýdy jáne osy qaýlynyń 1-tarmaǵynyń 1) tarmaqshasynda kórsetilgen kólik quraldary Qazaqstan Respýblıkasynan tys jerlerge shyǵarylǵan jaǵdaıda olardy berýdi qamtamasyz etsin.
3. Qazaqstan Respýblıkasy Qarjy, Indýstrııa jáne ınfraqurylymdyq damý mınıstrlikteri osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldary menshik ıeleriniń salyq mindettemelerin tóleý jáne mindetti tehnıkalyq qarap-tekserýden ótý múmkindigin qamtamasyz etsin.
4. Qazaqstan Respýblıkasy Aqparat jáne qoǵamdyq damý mınıstrligi múddeli memlekettik organdarmen birlesip, menshik ıesi ony bastapqy tirkeý ne Qazaqstan Respýblıkasynan tys jerlerge shyǵarý týraly sheshim qabyldaǵanǵa deıin osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldaryn paıdalanýǵa shekteýlerdiń joq ekeni jóninde túsindirý jumysyn júrgizýdi qamtamasyz etsin.
5. Qazaqstan Respýblıkasy Qarjy, Ekologııa, geologııa jáne tabıǵı resýrstar mınıstrlikteri múddeli memlekettik organdarmen birlesip, osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quralynyń menshik ıesi ony bastapqy tirkeý týraly sheshim qabyldaǵanǵa deıin kedendik bajdardy, bastapqy tirkeý úshin alymdardy jáne óndirýshilerdiń (ımporttaýshylardyń) keńeıtilgen mindettemeleri sheńberinde qaldyqtardy jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý úshin tólemdi tóleý qajettiginiń joq ekeni jóninde túsindirý jumysyn júrgizýdi qamtamasyz etsin.
6. Qazaqstan Respýblıkasy Qarjy jáne Ishki ister mınıstrlikteri Eýrazııalyq ekonomıkalyq odaqtyń quqyqtary men Qazaqstan Respýblıkasynyń zańnamasyn buza otyryp, 2020 jylǵy 1 aqpannan keıin Qazaqstan Respýblıkasyna Armenııa Respýblıkasynan kólik quraldaryn ákelýdi júzege asyrǵan adamdarǵa qatysty zańnamada belgilengen sharalardy qabyldasyn.
7. Qazaqstan Respýblıkasy Bas prokýratýrasy (kelisý boıynsha) jáne Ulttyq qaýipsizdik komıteti (kelisý boıynsha) 2021 jylǵy 1 jeltoqsanǵa deıin ishki ister organdarynyń basqa elderdiń ýákiletti organdarynda tirkelgen kólik quraldarymen Qazaqstan Respýblıkasynyń Memlekettik shekarasyn kesip ótý týraly málimetterge, olardyń ıeleri jáne olardy júrgizetin adamdar týraly derekterge qoljetimdiligin uıymdastyrý úshin «Ákimshilik is júrgizýdiń biryńǵaı tizilimi» jáne «Búrkit» vedomstvolyq aqparattyq júıelerin ıntegrasııalaýdy qamtamasyz etsin.
8. Qazaqstan Respýblıkasy Ishki ister, Qarjy, Indýstrııa jáne ınfraqurylymdyq damý, Ekologııa, geologııa jáne tabıǵı resýrstar, Sıfrlyq damý, ınnovasııalar jáne aeroǵarysh ónerkásibi mınıstrlikteri zańnamada belgilengen tártippen osy qaýlydan týyndaıtyn sharalardy qabyldasyn.
9. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri A. Mamın