2020 jylǵy maýsymda Qazaqstan Respýblıkasy Eńbek jáne halyqty áleýmettik qorǵaý mınıstri Birjan Nurymbetovtiń halyqqa esep berý kezdesýi ótedi. Kezdesý onlaın rejımde ótedi. Bul týraly mınıstrliktiń baspasóz qyzmeti habarlady.
«Ortalyq atqarýshy organdar basshylarynyń, ákimderdiń, ulttyq joǵary oqý oryndarynyń rektorlarynyń halyqqa esep berý kezdesýlerin ótkizý týraly» Prezıdenttiń 2016 jylǵy 5 aqpandaǵy № 190 Jarlyǵyna sáıkes Birjan Bıdaıbekuly Nurymbetov azamattardy elimizde iske asyrylyp jatqan reformalar, áleýmettik-ekonomıkalyq damý, Mınıstrliktiń strategııalyq josparynyń negizgi kórsetkishterine qol jetkizý jáne Mınıstrliktiń jetekshilik etetin salalarynyń damýy jónindegi mindetter týraly habardar etedi.