Balanyń ata-anasymen áńgimelesý ótkizilip, mekeme ákimshiligi jaýapqa tartyldy dep habarlaıdy elorda ákimdiginiń resmı saıty.
Elordanyń ıývenaldy polıseıleri eriktilermen birge qoǵamdyq oryndarda túngi ýaqytta balalardyń zańdy ókilderinsiz júrýin anyqtaýda. Reıdter kámeletke tolmaǵandar arasyndaǵy quqyq buzýshylyqtyń aldyn-alý men eskertý, kámeletke tolmaǵandardyń ata-analary men zańdy ókilderiniń jaýapkershiligin arttyrý maqsatynda júrgizilýde.
«Esil aýdanynyń ıývenaldy polısııa qyzmetkerleri mamyr aıynyń 18-shi juldyzynda túngi saǵat 03.00 shamasynda elordalyq kompıýter klýbynyń birinen 10 jasar balany anyqtaǵan. Atalǵan fakti boıynsha, balanyń ata-anasymen profılaktıkalyq áńgime júrgizildi. Sonymen qatar kompıýter klýbynyń ákimshisi ákimshilik jaýapkershilikke tartyldy», – delingen elordalyq polısııa departamentiniń baspasóz qyzmetiniń habarlamasynda.
Tyıym salynǵanyna qaramastan, jumysyn toqtatpaǵan klýb ıesine qatysty materıaldar aýdan prokýratýrasy men ákimdigine jiberildi.