Bul týraly Bilim jáne ǵylym mınıstrligi habarlady. Onlaın ótken olımpıadaǵa 150 myńnan asa oqýshy qatysqan.
«Onlaın olımpıada 9-11 synyp oqýshylary arasynda tegin ótkizildi. Olarǵa matematıka, fızıka, hımııa bıologııa, geografııa, ınformatıka, qazaq tili, orys tili, aǵylshyn tili, Qazaqstan tarıhy, dúnıejúzi tarıhy jáne Adam. Qoǵam. Quqyq pánderin qamtıtyn kópdeńgeıli ár pán 50 suraqtan turatyn test tapsyrmalaryn oryndaý usynyldy.Olımpıadanyń erejesine sáıkes qatysýshylardyń 25% I, II, III dárejeli dıplomdarmen marapattalady. Jeńimpazdar men júldegerlerdiń dıplomdary elektrondy formatta daryn.kz saıtynda 25 mamyrǵa deıin jarııalanady», delingen mınıstrliktiń málimdemesinde.