Bilim jáne ǵylym mınıstri Ashat Aımaǵambetov 2019-2020 oqý jylynyń aıaqtalýymen oqýshylardy, ustazdar men ata-analardy quttyqtady. Vedomstvo basshysy bıyl erekshe jaǵdaıda aıaqtalǵan oqý jylynda joǵaryda atalǵan úshtik odaqtyń eren eńbegi baryn aıtty.
A.Aımaǵambetov vıdeo quttyqtaýynda:
«Barlyǵymyz úshin bıylǵy 25 mamyr erekshe jaǵdaıda ótip jatyr. Álemdik pandemııa bizdiń kúndelikti ómirimizdi túbegeıli ózgertti. Osy oqý jyly 4 mln-nan asa oqýshy men stýdentke qashyqtan oqytý formatynda bilim alýmen este qalady dep oılaımyn. Qysqa ýaqyttyń ishinde bárińiz jumysty júıeli uıymdastyra bildińizder. Bul – ustaz, ata-ana men oqýshynyń bńrlesken áreketiniń jemisi. Sizder jańa jaǵdaıda jaqsy nátıjeler kórsetip, naǵyz erlik tanyttyńyzdar», dedi.