Álemde ǵarysh tarıhyna qatysty qyzyq oqıǵalar kún saıyn ótip jatyr. Kúni keshe ǵana Parıjde turatyn qandasymyz Berlın Irıshev áleýmettik jelidegi paraqshasynda «biz maska kıemiz be, joq pa?» degen máselemen bas qatyryp júrgende Ilon Mask ǵaryshkerlerdi SPACE X ǵarysh kemesimen ushyrýǵa daıyndalyp jatyr» dep jazdy.
Sarapshylar qalaı bolǵanda da ótken ǵasyrda salynǵan «Baıqońyr» keshenin jańǵyrtpasaq, alysqa bara almaıtynymyzdy aıtyp jatyr. Sebebi ǵarysh salasyndaǵy jańalyqtar bizdiń keshendi HH ǵasyrda mindetin atqarǵan dep tarıhqa ysyryp jiberýi múmkin ekenin dáleldep jatyr. Bizdiń Baıqońyrdaǵy basty seriktesimiz Reseı jańa ǵarysh kesheniniń qurylysyn bastaý týraly ustanymyn naqtylaǵanyn búgin habarlady.
Roskosmos basshysy Dmıtrıı Rogozın keshe Reseıdiń jańa orbıtalyq stansııasy 2030 jyldan keıin paıdalanýǵa beriletinin aıtty. Bul týraly Roskosmostyń baspasóz qyzmeti habarlady.
«Qazir biz jańa orbıtalyq stansııany qurýǵa kirisip jatyrmyz, bizde eki modýl bar, bireýi qazirdiń ózinde jasaldy, ol túıin modýli dep atalady, ekinshisi - bizdiń jańa stansııany qýattandyratyn energetıkalyq modýl», - degen Rogozınniń sózin YouTube -taǵy Solovev LIVE arnasy qaıtalap kórsetti.
«Biz oǵan birneshe modýlder qurýdy josparlap otyrmyz. 2030 jyldan keıin Reseı Federasııasy ǵarysh stansııasy bar el bolady», dedi Roskosmos basshysy.
Rogozın atap ótkendeı, bolashaq stansııanyń mártebesi áli anyqtalǵan joq, onyń halyqaralyq deńgeıde nemese Reseıdiń ishki qajettilikterin óteıtin ǵarysh kesheni bolatyny aldaǵy ýaqyttyń enshisinde. Roskosmos basshysy endigi betalys jaHandyq jaǵdaıdyń betalysyna qarap anyqtalatynyn aıtyp, aryq aıtyp, semiz shyqqylary kelip otyrǵanyn baıqatyp qoıdy. «Bizdiń qarsylastarymyz ben odaqtastarymyzdyń kózqarasy boıynsha, olarǵa dem berý úshin tehnıkalyq alań quryp jatyrmyz», dedi Rogozın.
Sondaı-aq ol stansııa men HǴS arasyndaǵy aıyrmashylyqtar týraly aıtty.
«MKS máselelerdi sheshetin alańǵa aınalady. Máselen, MKS Halyqaralyq ǵarysh stansııasyna kelip túsetin kemeler retinde áreket ete almaıdy jáne bul qajet», dedi Reseıdiń ǵarysh agenttiginiń basshysy.
Rogozın Reseıge spýtnıkterge janarmaı quıýǵa, orbıtada olardyń paıdalaný merzimin ulǵaıtýǵa jáne alys qashyqtyqqa ótý úshin ǵarysh apparattaryn quıýǵa múmkindik beretin janarmaı quıý stansııasy qajet ekenin túsindirdi. Ol sondaı-aq stansııa Reseıdiń spýtnıktik shoqjuldyzdarynyń jaǵdaıyn baqylaýdy qamtamasyz ete alatyndyǵyn jáne tereń ǵaryshtyq ushýlar úshin ǵarysh apparattaryn jınaıtyn orynǵa aınalatynyn aıtty.
«Biz ǵarysh qurylystaryn orbıtaǵa Marsqa, Aıǵa, asteroıdterge ushyratyn áýe kemelerin jınaımyz, óıtkeni búkil qurylymdy Jerden kóterý óte qıyn jáne qıyn. Amerıkalyqtar óte aýyr zymyrandy ushyrý shamamen 2 mıllıard dollar jumsaıdy. Bizdiń múmkindigimiz odan áldeneshe ese arzan ekenin bilemiz», dedi Rogozın.