О́tken táýlikte Almatyda COVID-19 vırýsyn juqtyrǵan jańa 37 jaǵdaı anyqtaldy.
Statıstıka boıynsha Almatyda pandemııa bastalǵannan beri koronavırýs ınfeksııasyn juqtyrýdyń rastalǵan 2499 jaǵdaıy tirkeldi.
Jańadan juqtyrǵandardyń tórteýi jergilikti azamattar. Qaýipti indet olardy profılaktıkalyq maqsatta teksergen kezde anyqtalǵan. Taǵy 4 azamattan qalalyq stasıonarlarǵa jatqyzý kezinde tabyldy. Qalǵan adamdar naýqastarmen baılanysta bolǵan jandar.
Stasıonarlarǵa emdeýge jatqyzylǵan barlyq naýqas koronavırýstyq ınfeksııanyń taralýyna jol bermeý maqsatynda, taldaý nátıjeleri shyqqanǵa deıin baqylaýda bolatyndyǵyn aıta ketken jón.
Medısına qyzmetkerleri jedel kelip túsetin jáne shuǵyl operasııa jasaýdy qajet etetin naýqastarǵa operasııalardy jeke qorǵaný zattaryn kıip jasaıdy. Odan keıin olar da taldaý nátıjeleri shyqqanǵa deıin jeke bólmelerde bolady.
Dıagnoz rastalǵan jaǵdaıda, bólimshede dezınfeksııalyq tazalaý jumystary júrgiziledi.
Qazirgi ýaqytta ınfeksııa juqtyrǵan 1038 adam qalanyń juqpaly aýrýlar stasıonarlarynda koronavırýstyq ınfeksııadan emdelýde, onyń ishinde 56 bala bar.
«Qosymsha aýrýlarynyń bolýyna baılanysty 4 adamnyń jaǵdaıy óte aýyr, 22 pasıent – aýyr hálde, 304 naýqastyń jaı-kúıi – ortasha dárejede. Al qalǵan emdelýshilerdiń jaǵdaıy qanaǵattanarlyq. Jalpy, naýqastardyń basym kópshiliginde aýrý sımptomsyz ótýde dep aıtýǵa bolady», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Onyń aıtýynsha, provızorlyq gospıtaldarda – 177 adam, karantındik oqshaýlaýda – 139 adam jáne úı karantıninde 14 339 azamat bar.
Keshe Almatyda koronavırýstyq ınfeksııadan saýyǵyp, 76 adam emhanadan shyǵaryldy. Búgin taǵy 30-dan astam adamdy emdeýden shyǵarý josparlanýda.
Jalpy, Almatyda pandemııa bastalǵannan beri 1451 azamat saýyǵyp shaqty. Bul – megapolıste tirkelgen, vırýs juqtyrǵan adamdardyń jalpy sanynyń 59 paıyzy.
«Qalada karantın saqtalýda. Men turǵyndardy barlyq karantındik sharalardy, áleýmettik qashyqtyq pen betperde taǵý rejımin saqtaýǵa shaqyramyn», - dep qorytyndylady Tileýhan Ábildaev.