2 maýsymda Qazaqstannyń Ekologııa, geologııa jáne tabıǵı resýrstar mınıstri Maǵzum Myrzaǵalıev «Qazgeologııa» Ulttyq geologııalyq barlaý kompanııasy» AQ jańa basqarma tóraǵasyn tanystyrdy.
Bul qyzmetke Anvar Kımovıch Boranbaev taǵaıyndaldy. Mınıstr kompanııanyń jańa basshysyn ujymǵa tanystyrý kezinde QR Tuńǵysh Prezıdenti-Elbasy Nursultan Əbishuly Nazarbaevtyń ekonomıkanyń dəstúrli óndirý salalarynyń tıimdiligin kóterý jəne Qazaqstandy əlemdik geologııalyq barlaý naryǵyna shyǵarý mindetin qoıǵanyn eske saldy.
«Budan basqa, Memleket basshysy Qasym-Jomart Toqaev geologııalyq barlaý baǵdarlamasyn əzirleýge jəne osy jumysqa nazar aýdarýǵa shaqyrdy. Jańa basshylyqtyń aldynda ınvestısııa tartý, aldyńǵy qatarly tehnologııalar transferti, geologııalyq salany ǵylymı-analıtıkalyq qoldaý jáne t.b. mindetter tur», - dep atap ótti Mınıstr.
A.Boranbaev 1967 jyly Taldyqorǵan qalasynda dúnıege kelgen.
1992 jyly Almatydaǵy Qazaq polıtehnıkalyq ınstıtýtynyń geologııalyq barlaý fakýltetin taý-ken ınjeneri-geofızık mamandyǵy boıynsha bitirdi.
Jumys tájirıbesi:
- «О́zenmunaıgaz» AQ, «Qazaqstan Kaspıı shelfi» AQ qyzmetkeri (1999-2003);
- «BankTuranÁlem» AAQ sarapshysy (2003-2004);
- «Tanashneftegaz» AQ geologııa jáne óndiris jónindegi vıse-prezıdenti (2004-2006);
- «Teńge BK» JShS bas dırektorynyń birinshi orynbasary (2006-2007);
- «Teńge BK» JShS bas dırektory (2007-2009);
- «Qazaqstan munaı jáne gaz ınstıtýty» AQ geologııa jáne taý-ken tehnologııalary jónindegi basqarýshy dırektory (2009-2010 jj.);
- «Ulttyq seısmologııalyq baıqaýlar men zertteýler ortalyǵy» AQ Basqarma tóraǵasy (2016-2017);
- Seısmologııa ınstıtýtynyń dırektory (2017-2018);
- «Qazgeologııa» UK AQ.
Buǵan deıin Almaz Ábdiǵalymov kompanııanyń tóraǵasy bolǵan.