Memleket basshysy Mańǵystaý oblysynyń ákimi Serikbaı Turymovty qabyldady. Bul týraly Aqordanyń baspasóz qyzmeti habarlady.
Qazaqstan Prezıdentine Mańǵystaý oblysynyń qoǵamdyq-saıası ahýaly men áleýmettik-ekonomıkalyq jaǵdaıy, aımaqtaǵy koronavırýsqa qarsy kúres sharalary jáne Jańaózen qalasyn keshendi damytý josparynyń oryndalý barysy jaıynda baıandaldy.
Serikbaı Trumov Qasym-Jomart Toqaevqa oblys ekonomıkasyn ártaraptandyrý, óńdeý ónerkásibi men týrızm, kólik-logıstıka baǵyttaryn damytý, aýylsharýashylyǵy salasyndaǵy shaǵyn nesıeleýdi qoldaý sharalary týraly aıtty.
Memleket basshysy óńirdegi qoǵamdyq-saıası jaǵdaıdyń turaqtylyǵyn qamtamasyz etý, óndiristi damytý men aımaqqa ınvestısııa tartý, týrızm salasyndaǵy jobalardy júzege asyrý jáne koronavırýs indetine qarsy kúres jóninde birqatar tapsyrma berdi.