Ushty, ushty, shatyr ushty!..

Oblystyq Tótenshe jaǵdaı­lar departamentiniń málimetinshe, 1 maýsym kúngi qatty jel óńir­degi birneshe ǵımarattyń shatyr­laryn ushyryp áketse, oblys ortalyǵyndaǵy bir dýaldy qu­latqan. Kóptegen aǵash butaq­tary synyp, qala kóshelerinde qolaısyz jaǵdaı týǵyzdy.

Qatty jelden Aqsý qalasy jáne qala aýmaǵyna qarasty Jol­qudyq aýylyndaǵy ǵıma­rattyń shatyry ushyp ketti. Tabıǵı apat saldarynan Aqsý qalasy M.Áýezov kóshesi boıyn­­daǵy «Sholpan» qonaqúı kesheniniń 600 sharshy metr aýmaqtaǵy shatyry ushyp túsken. Qonaqúı kesheniniń shatyrymen birge qalalyq aýrýhananyń 300 sharshy metr aýmaqtaǵy shatyryn da ushyryp áketti. Zardap shekkender men qurban bolǵandar joq.

Taǵy bir oqıǵa qalaǵa qarasty Jolqudyq aýylynda oryn aldy. Qatty jel aýyldyq mádenıet úıiniń shatyryn ushyryp túsir­gen. Mádenıet úıiniń ǵımaraty 1968 jyly salynǵan, jalpy aýdany 500 sharshy metr.

Osy kúni Jelezın aýdany Eńbekshi aýylynda soqqan qatty jeldiń ekpini aýyldyq mekteptiń 240 sharshy metr aýmaqtaǵy shatyryn jartylaı ushyryp áketti. Mekteptiń eki qabatty ǵımaraty 1982 jyly salynǵan, jalpy aýdany – 1736 sharshy metr.

Oblys ortalyǵynda qatty jel «Qylmystyq-atqarý júıesi departamenti» mekemesiniń uzyn­dyǵy 25 metrdi quraıtyn metall qorshaýy men kirpishten jasalǵan qorshaý baǵanalaryn qulatty.

Al buǵan deıin oblystyq Tótenshe jaǵdaılar departamenti «Dármen» qosymshasy arqyly qatty jel turyp, onyń ekpini sekýndyna 18 metrden asatyny týraly aqparat taratqan bolatyn.

Oblys aýmaǵynda qatty jel turatyny týraly eskertý uıaly baı­lanys operatorlarynyń bar­lyq abonentterine taratylǵan edi.

Biraq, másele nede?.. Ushyp ketken shatyrlarmen birge qyrýar qarjy dalaǵa ketkenin kórdik, «ushatyn shatyrlar» qazir turǵyndardyń ómirine qaýip tóndirýde. Oblystaǵy byltyr ǵana kúrdeli jóndeýden ótken ǵımarattardyń birde-biriniń shatyry daýyl ekpinine shydaı almady. Bul másele óńirde salynǵan, kúrdeli jóndeýden ótken sapasyz qurylystarda kemshilik jetedi degen sóz.

Pavlodar oblysy