«Qazaqstannyń 100 jańa esim» respýblıkalyq jobasynyń jeńimpazy Nurjan Joldybalınov «Qashyqtyq servıs qyzmetimen jumys kezindegi bastapqy daǵdylar jáne minez-qulyq mádenıeti» atty tikeleı efırde sheberlik dárisin ótkizdi.
Qazirgi tańda bul ózekti taqyryp bolyp keledi. Sebebi, júzdegen adamdarǵa arnalǵan onlaın konferensııalar álemniń kez kelgen núktesinde jumys isteýde.
Is júzindegi beıneqońyraýlar biz oılaǵandaı ıdealdy emes. Sol sebepti azamattarǵa yńǵaıly bolý úshin beıneqońyraý shalýdyń qarapaıym erejelerin bilý qajet. Osy taqyryp boıynsha Nurjan Joldybalınov eń naqty 10 jolyn kórsetti.
1. Aldymen birinshi kezekte konferensııa barysynda adamnyń syrtqy kelbeti durys bolýy kerek. Iаǵnı, ústimizdegi kıimge,shashqa asa mán berý qajet. 2. Tıisti fondy tańdańyz. 3. Aty-jónińizdi jazyńyz. Máselen, onlaın konferensııa ótkizip jatqan kompanııaǵa kirgen qatysýshynyń telefon ataýy ǵana shyǵyp turady. Oǵan tirkelý arqyly aty-jónińizdi ózgertesiz. 4. Profaılǵa fotosýretti salyńyz. 5. Eger siz sóılemeseniz árdaıym dybysty óshirińiz. 6. Qalaı otyrǵanyńyzdy baqylańyz. 7. Jazbalardy qaǵazǵa nemese basqa qurylǵyǵa jazyp alyńyz. 8.Eger aıtqyńyz kelse qolyńyzdy kóterińiz. Qazir kóptegen servıstarda, zým sekildi prılojenııalarda óziniń ár túrli smaılıktary bar. Suraq qoıar kezde qol kóterý batyrmasy arqyly qoıylýy kerek.9. Ýaqytty qadaǵalańyz. 10. Kózdi ustańyz
Bolyp jatqan konferensııany tek soǵan ǵana arnaý qajet. Sebebi, kóptegen adamdar ózderi aıtyp bolǵannan keıin basqa da jumystaryn isteı bastaıdy. Sonda ol aıtyp otyrǵan adamǵa óte qatty áser etedi. Meni tyńdamaı otyr degen oılar ketedi. Siz sol konferensııaǵa qatysqannnan keıin, monıtorǵa tik qarap, eshqaıda alańdamaýyńyz kerek.
Nurjan Joldybalınov – QR Ulttyq akademııalyq kitaphana basshysynyń orynbasary, «Qazaqstannyń 100 jańa esimi» jobasynyń jeńimpazy, IT tehnologııa salasynyń mamany.