Almatydaǵy jeke ońaltý ortalyqtarynyń birinde erekshe kútimdi qajet etetin balalarǵa qatysty zorlyq-zombylyq faktileri qoǵamda úlken rezonans týdyrdy. Áleýmettik jelilerde taraǵan aqparatqa sáıkes, ata-analar tarapynan «Fenıks» ortalyǵynda tárbıelenýshilerdi taıaqpen basynan urý, judyryqpen soǵý jáne qorlaý áreketteri bolǵan, dep habarlaıdy Egemen.kz.
Ata-analardyń aıtýynsha, polısııa qyzmetkerleri ortalyqtaǵy beınejazbalardy zattaı dálel retinde alǵan. Olar mekeme jumysyn jalǵastyrýy múmkin dep qaýiptenedi. Sonymen qatar kináli tulǵalardyń jaýapkershilikten jaltarý qaýpi de aıtylyp otyr.
Erekshe balalardy damytatyn qosymsha
Ata-analar chattar arqyly úndeý jarııalap, balalarǵa birneshe ret zorlyq jasalǵanyn jetkizdi. Quzyrly organdardan kinálilerdi jaýapqa tartý suralǵan. Ata-analar erekshe dıagnozy bar balalardyń eń álsiz topqa jatatynyn aıtyp, kómekke shaqyrǵan.
Ata-analardyń taǵy bir shaǵymy boıynsha, ortalyq qyzmetkerleriniń biri tikeleı efır kezinde balalardyń bet-álpetin kórsetip, olardy «mýmııa» dep ataǵan.
Sonymen qatar trenerlerdiń kásibı biliktiligine qatysty kúmán aıtylǵan. Ata-analar keıbir mamandardyń beıindik joǵary bilimi joq, al sertıfıkattar qysqa merzimdi kýrstardan keıin berilgenin alǵa tartady.
El mektepterinde erekshe balalarǵa arnalǵan 1093 kabınet bar
Balalar quqyǵyn qorǵaý jónindegi ýákil Dınara Zakıeva qazirgi ýaqytta quzyrly organdar tekserý júrgizip jatqanyn málimdedi. Onyń aıtýynsha, ortalyq – jeke uıym. Qazir sotqa deıingi tergeý bastalyp, beıne materıaldar tárkilendi.
Oqıǵaǵa baılanysty Almaty qalasynda qylmystyq is qozǵaldy. Qalalyq polısııa departamenti jan-jaqty tergeý amaldary júrgizilip jatqanyn habarlady.
«Tergeý barysynda oqıǵanyń barlyq mán-jaıy obektıvti túrde anyqtalady. Quqyq qorǵaý organdary yqtımal quqyq buzýshylyqqa yqpal etken sebepter men jaǵdaılardy zerttep jatyr. Bolashaqta mundaı faktilerdiń aldyn alý sharalary qabyldanady», delingen polısııa habarlamasynda.
Qazirgi kezde beınebaqylaý kameralarynyń jazbalary alynyp, saraptama júrgizilip jatyr. Oqıǵaǵa qatysy bar kýágerler men taraptardan jaýap alynyp, qajetti prosessýaldyq áreketter belgilendi. Tergeý barysy qalalyq polısııa departamenti basshylyǵynyń baqylaýynda tur. Qorytyndysynda barlyq qatysýshy tulǵalardyń áreketine quqyqtyq baǵa berilip, zańnamaǵa sáıkes sheshim qabyldanady.
Erekshe balalarǵa eldik qamqorlyq qajet