Qazaqstan Mekke men Mádınadaǵy qajylar úshin mádenı múmkindikterdi keńeıtip jatyr. Bul týraly Syrtqy ister mınıstrligi habarlady, dep jazady Egemen.kz.
Qazaqstan Respýblıkasynyń Jıdda qalasyndaǵy Bas konsýly Rýslan Qospanov Mekkedegi Abradj ál-Beıt kesheninde (Saǵat munarasy) ornalasqan Paıǵambardyń ómirbaıany jáne ıslam órkenıeti halyqaralyq murajaıyna zııarat etti.
Murajaıdyń eksklıýzıvti operator bolyp tabylatyn Al-Salam Company (ASC) kompanııasynyń Bas menedjeri Faıez Kansardyń qatysýymen ótken kezdesý barysynda mádenıet, aǵartý jáne týrızm salalaryndaǵy yqtımal yntymaqtastyq baǵyttary talqylandy. Bul baǵyttar qasıetti Mekke men Mádına qalalaryna baratyn Qazaqstan azamattary úshin múmkindikterdi keńeıtýdi kózdeıdi.
Qazaqstan kvotasymen sheteldikterdi qajylyqqa aparǵandar jaýapqa tartylady
Bas konsýl buǵan deıin Dúnıejúzilik musylman lıgasynyń basshylyǵymen qol jetkizilgen ýaǵdalastyqtarǵa sáıkes jáne Qazaqstan musylmandary dinı basqarmasynyń qatysýymen, qazirgi ýaqytta Qazaqstan Respýblıkasynyń elordasy Astana qalasynda Ortalyq Azııadaǵy alǵashqy Paıǵambar murajaıyn ashý jónindegi jumystar júrgizilip jatqanyn atap ótti.
О́z kezeginde, Faıez Kansara atalǵan bastamany joǵary baǵalap, ózara tıimdi yntymaqtastyqty odan ári jolǵa qoıý jáne nyǵaıtýǵa daıyndyǵyn bildirdi.
Kezdesý qorytyndysy boıynsha Murajaıdyń eksklıýzıvti operatory bolyp tabylatyn Al-Salam Company (ASC) kompanııasy men Qazaqstan Respýblıkasynyń Bas konsýldyǵy arasynda О́zara túsinistik pen yntymaqtastyq týraly memorandýmǵa qol qoıýdyń saltanatty rásimi ótti. Rásim barysynda Faıez Kansara Qazaqstan Respýblıkasynyń murajaıdyń osyndaı kelisimge qol qoıǵan alǵashqy shet memleket bolǵanyn erekshe atap ótti.
Elordada 17 adamdy «qajylyqqa jiberemin» dep aldaǵan alaıaq jazalandy
Qol qoıylǵan qujatqa sáıkes, Qazaqstan Respýblıkasy azamattary úshin arnaıy jeńildik baǵdarlamasyn engizý jóninde kelisimge qol jetkizildi. Bul baǵdarlama Paıǵambardyń ómirbaıany jáne ıslam órkenıeti halyqaralyq murajaıyna kirý bıletterine jeńildik berýdi kózdeıdi. Atalǵan bastama Mekke men Mádına qalalaryndaǵy murajaıdyń fılıaldaryna da qoldanylady jáne shekteýli merzim ishinde júzege asyrylady, odan keıin taraptardyń qalaýy boıynsha uzartylýy múmkin.
Kezdesý qorytyndysy boıynsha taraptar seriktestikti odan ári nyǵaıtýǵa, birlesken mádenı-aǵartýshylyq bastamalardy damytýǵa, sondaı-aq Qazaqstan azamattarynyń Koroldikke sapary barysynda qyzmet kórsetý sapasyn arttyrý jáne múmkindikterdi keńeıtý maqsatynda jumys tártibindegi úılestirýdi jalǵastyrýǵa daıyn ekendikterin bildirdi.