«Taza Qazaqstan» aksııasy aıasynda elimizdegi 185 Keleshek mektebiniń oqýshylary senbilikke qatysyp, qorshaǵan ortany qorǵaýǵa óz úlesterin qosty, dep habarlaıdy Egemen.kz.
«Taza Qazaqstan» − elimizde ekologııalyq mádenıetti qalyptastyrýǵa, qorshaǵan ortany qorǵaýǵa jáne qoǵamdyq keńistikterdiń tazalyǵyn qamtamasyz etýge baǵyttalǵan ulttyq bastama. Jobanyń negizgi maqsaty − tabıǵatty aıalaý, qalalar men aýyldardyń tazalyǵyn saqtaý jáne azamattardyń ortaq jaýapkershiligin arttyrý.
«Taza Qazaqstan»: Bir kúnde elimizde 46 myń gektardan astam aýmaq tazartyldy
Osy baǵytta elimizdiń túkpir-túkpirinde ornalasqan Keleshek mektepteriniń oqýshylary da belsendilik tanytyp jatyr. Bul bastama jas urpaqtyń azamattyq jaýapkershiligin arttyryp, ekologııalyq mádenıet qalyptastyrýǵa yqpal etedi.
Senbilik barysynda oqýshylar mektep aýmaǵyn ǵana emes, jaqyn mańdaǵy qoǵamdyq keńistikterdi de tazalap, tabıǵatty aıalaýdyń naqty úlgisin kórsetti. Aǵash otyrǵyzyp, kógaldandyrý jumystaryna basa mán bergen óńirler de bar.
Atalǵan joba Memleket basshysynyń bastamasymen júzege asyp jatyr.