Astanada Tilendıev dańǵylynyń bir bóligine ortasha jóndeý jumystary júrgizilýine baılanysty 9 mamyrǵa deıin qozǵalys ishinara shekteledi. Bul týraly qalalyq Kólik jáne jol-kólik ınfraqurylymyn damytý basqarmasy habarlady, dep jazady Egemen.kz.
«Qala turǵyndary men qonaqtaryna N. Tilendıev dańǵylynyń Saryarqa dańǵylynan K. Kúmisbekov kóshesine deıingi aralyǵynda jol jabynyna ortasha jóndeý jumystary júrgiziletini týraly habarlaımyz. Osyǵan baılanysty 2-9 mamyr aralyǵynda atalǵan ýchaskede qozǵalys ishinara jabylady. Avtokólik qozǵalysy joldyń bir jaǵymen eki baǵytta uıymdastyrylady», delingen habarlamada.
Júrgizýshiler men jaıaý júrginshilerge baǵyttaryn aldyn ala josparlap, qozǵalys syzbasyndaǵy ózgeristerdi eskerý suralady. Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men kórsetkishter ornatylady.
Astanada mereke kúnderi qaı kósheler jabyq bolady?