Nur-Sultanda jol salý jumystary belsendi júrip jatyr. Bıyl elordada jalpy uzyndyǵy 100 shaqyrymdy quraıtyn 150 kóshe jóndeledi. Onyń 100 kóshesi turǵyn alaptarynda ornalasqan.
«Keıbir turǵyndar munda 20 jyldan beri turady. Bizge asfalt tósedi. Ol bizdiń burynnan bergi armanymyz edi. О́rkenıet bizge de jetti. Qýanyshymyz basylar emes. Asfalt tósegende barlyq turǵyndar jınalyp, ústinen júrip óttik», - dedi Ońtústik-Shyǵys turǵyn alabynyń turǵyny Laýra Sultanbekova.
Qazirgi ýaqytta 30 kóshede jumys júrip jatyr, atap aıtqanda Sátbaev, Konstıtýsııa kósheleri men turǵyn alaptarda: Marqakól kóshesi, Qarasaz tuıyq kóshesi, Nurly, Orhon kóshesi, Shyraıly tuıyq kóshesi, Qapal kóshesi, M.Tólebaev kóshesi, Qyryqqyz kóshesi, Maralsaı tuıyq kóshesi, Jeldirme tuıyq kóshesi, Qoǵaly tuıyq kóshesi, Qamajaı kóshesi, Aqbıdaı kóshesi, Keńshalǵyn kóshesi, Aqpan kóshesi, Basyqara batyr kóshesi. Jol jóndeý jumystarymen elordanyń barlyq turǵyn alaptary qamtylady.
15 ortalyq kóshedegi jóndeý jumystary aıaqtaldy: Shuǵyla kóshesi, Buqarbaı batyr, kóshesi, Asan Qaıǵy kóshesi, Abaı dańǵyly, Jeńis dańǵyly, Turan dańǵyly, M. Maqataev kóshesiniń jalǵasy, Kenesary kóshesi, Nurjol býlvary, Máskeý kóshesi, «Tulpar» kópiriniń astyndaǵy aınalma jol, Taha Hýseın kókshesi, S. Toraıǵyrov kóshesi, Nurlyjol kóshesi, Bi Village, Family Village aparatyn jol. Jóndeý jumystary sanıtarlyq talaptardy saqtaı otyryp júrgizilýde.
«Bizdiń úıimiz 2014 jyly salyndy. Jańa asfaltty kórgenimizge qýanyshtymyz. Bul jerde jol bolmap edi. Búkil úıdiń turǵyndary qýanýdamyz. Bizge de, balalarymyz úshin de yńǵaıly», - dedi Ońtústik-Shyǵys turǵyn alabynyń turǵyny Anastasııa Halıýllına (Nurly tuıyq kóshesi, 2 úı).
Bıyl «Jumyspen qamtýdyń jol kartasy» baǵdarlamasy boıynsha 15 myń jumys orny, al jol jóndeý jumysary aıasynda 1,5 myń jańa oryn ashylady. Birinshi kezekte Jumyspen qamtý ortalyǵy arqyly ornalastyrylady.