14 maýsymda AQSh-tyń Las-Vegas qalasynda aralas jekpe-jekten UFC týrnıri ótetini belgili. Sol jarysta qazaqstandyq Marııa Agapova brazılııalyq Melıssa Gattomen kúsh synasýǵa tıis edi, - dep habarlaıdy Egemen.kz.
Alaıda koronavırýstyń ekinshi tolqyny órshýine baılanysty jergilikti bılik tarapynan birqatar memlekettiń azamattaryna AQSh-qa kelýge qatań tıym salynyp otyr. Solardyń arasynda Brazılııa da bar. Sol sebepti de UFC basshylyǵy Marııa Agapovaǵa dereý ózge qarsylas izdesýge kiristi. Endi jerlesimiz Hanna Saıferspen aıqasady. 27 jastaǵy AQSh-tyń Oksford qalasynyń týmasy 2013 jyldan beri sporttyń osy túrin serik etýde. Sol aralyqta 15 ret oktagonǵa shyǵyp, 10 básekeni óz paıdasyna sheshti. О́ziniń sońǵy eki jekpe-jeginde ol Andjela Hıll jáne Makkenzı Dernge ese jiberdi.
Al 23 jastaǵy jerlesimiz jaıynda aıtar bolsaq, osy kúnge deıin ol 9 kezdesý ótkizip, 8 ret jeńiske jetti. Byltyr 30 shilede Agapova amerıkalyq Treısı Kortezden upaı sanymen utylǵan bolatyn. Odan keıingi eki jekpe-jegin jeńispen aıaqtady. Atap aıtsaq, AQSh sportshysy Aleksa Konners "qylqyndyrý" ádisimen utsa, brazılııalyq Marılııa Santosty shyntaqpen uryp qulatty.
13 maýsymda ótetin aıtýly jekpe-jek týrnıriniń tolyq kardy mynadaı:
Djessıka Aı – Sıntııa Kalvılo
Karl Roberson – Marvın Vettorı
Andre Fılı – Charlz Jýrden
Reı Borg – Merab Dvalıshvılı
Mark De La Rosa – Djordan Espınosa
Marııa Agapova – Melıssa Gatto
Kevın Agılar – Charlz Roza
Djýlııa Avıla – Djına Mazanı
Raıan Benýa – Taıson Nem
Djordan Grıffın – Derrık Mıner