Túlkibas aýdanynda pılottyq joba retinde tamshylatyp sýǵarý ádisin 150 sharýa qolǵa alǵan. Endi bul tásildi úıirgelik jerlerge endirý josparlanyp otyr, - dep jazady Egemen.kz
Osy oraıda, mysaly, aýdandyq aýylsharýashylyǵy bólimimen jeke kásipker T.Seısenbaev arasynda ızraıldik tehnologııany ornatý boıynsha kelisim túzilgen. Sonyń negizinde Talǵat Seısenbaevtyń esik aldyndaǵy jerine tamshylatyp sýarý tehnologııasy ornatylmaq. Quny da qarapaıym aýyl turǵyndary úshin tıimdi. On sottyq jerge ketetin shyǵyn - 200 myń teńge. Qazirdiń ózinde aýyl turǵyndarynyń bul jobaǵa degen qyzyǵýshylyǵy basym. Sol arqyly ákimdik jurtty jumyspen qamtymaq.
Úıirgelik jerge tıimdi tásildi paıdalanyp, mol ónim alýǵa bolady. Túlkibas aýdanyndaǵy Shaqpaq aýyldyq okrýginde ótken kóshpeli semınarda osy másele talqylandy. Oǵan qosa qatysýshylarǵa memleketten beriletin granttar men nesıe alý joldary túsindirildi. Semınarda aýdan ákimi Nurlan Baıǵut pen salaǵa jaýapty mamandar, aýyl ákimderi men qojalyq ıeleri esik aldyndaǵy jerdi paıdalanyp qana qoımaı, ozyq tehnologııa kúshimen jylyna eki ónim alý joldaryn da áńgimeledi. Izraıldik tehnologııanyń qarapaıym aryq arqyly sýǵarý ádisinen ereksheligi - jerdi aýdaryp daıyndaýdy jáne aryq qazýdy qajet etpeıdi. Qarapaıym sýǵarý ádisinen qaraǵanda ónimdi 3 ese kóp beredi. Sondaı-aq, egilgen kókónis aınalasynan jabaıy shóp shyqpaıdy.
Semınar barysynda qatysýshylar "Bereke", "Imperııa", "Jarqynbek" jáne "Aq bıik" sharýaqojalyqtarynyń jumysymen tanysyp, qajetti maǵlumattar aldy.
Túrkistan oblysy