Bul – Abaı aýdanyndaǵy alǵashqy derek emes.
Bul jaısyz habardy Tótenshe jaǵdaı komıteti habarlady. Komıtet keltirgen málimetke súıensek, 14 maýsymda Shyǵys Qazaqstan oblysy Abaı aýdanynyń Qasqabulaq aýylynan 8 shaqyrym jerde 2004 jyly týǵan bala jaı túsip, mert bolǵan. Oblystyq Tótenshe jaǵdaılar jónindegi departamenttiń baspasóz qyzmeti bala dalada qoı jaıyp júrgen ákesine kómekke bara jatqanda, úıden 500 metr shyqqan kezde naızaǵaı otynan kóz jumǵanyn jetkizdi. Osy rette departament mamandary turǵyndardan naızaǵaıly kúnderi atpen júrmeýdi ótinedi.
Eskerte keter bir dúnıe, bul – Abaı aýdanyndaǵy alǵashqy derek emes. Bul aımaqta osyndaı jaısyz oqıǵalar jaz mezgilinde jıi oryn alyp turady.