AQSh-tyń Las-Vegas qalasyndaǵy MGM Grand kesheninde ótken kásipqoı boks keshinde qazaqstandyq Bobyrjan Momınov amerıkalyq Kemeron Kraelmen kúsh synasty, - dep jazady Egemen.kz
Birinshi orta salmaqta óner kórsetip júrgen 28 jastaǵy jerlesimiz búgingi kúnge deıin 10 ret rıngke kóterilip, barlyǵynda jeńiske jetken. Segiz básekede aıqyn basymdyq tanytty. Kezinde Bobyrjannyń Meksıkanyń áıgili boksshysy Saýl Alvarestiń sparıng-áriptesi bolǵanyn jankúıerler jaqsy biledi. Al 26 jastaǵy AQSh-tyń ókili 36 kezdesý ótkizip, 17 márte mereıi ústem boldy. 16 ret utylyp, taǵy úsh jekpe-jekte teń esep tirkeldi. Aıtýly básekede eń sońǵy altynshy raýndqa deıin sozylǵanymen, tóreshilerdiń barlyǵy Momınovtyń myqtylyǵyn biraýyzdan moıyndady.
Las-Vegastaǵy boks keshiniń basty jekpe-jeginde asa jeńil salmaqtaǵy fılıppındik Maık Planııa WBO reıtınginde birinshi orynda turǵan Djoshýa Grıerdi eki ret nokdaýnǵa jiberip, upaı sanymen jeńiske jetti.