Úndistan musylmandary juqpaly indetten saqtaný úshin joǵary tehnologııanyń kómegine júgine bastady. Bul týraly QMDB baspasóz qyzmetine silteme jasaı otyryp Egemen.kz habarlaıdy.
Qaltasyna aýyrlyq túsirse de densaýlyq pen ózgelerdiń ómirin qaterge tikpeý úshin Kerala shtatynyń musylmandary meshitke smart-karta arqyly kiretin júıege kóshti. Kojıkod qalasyndaǵy meshitterdiń birinde jamaǵatqa mundaı kartalar taratyla bastady.
Meshitke qansha adamnyń kirgenin bilip otyrýǵa ári bir jerge shoǵyrlanyp jınalýynyń aldyn alýǵa kómektesedi. Meshitke kelgen adam kamera aldyna málimetin tosady: onda meken-jaıy men telefon nómiri tirkeletin avtomatty júıesi engizilgen. Kelesi kelgeninde tek smart-kartasynyń nómirin ǵana atasa jetip jatyr. Meshit esigi kartany datchıkten ótkizgen soń avtomatty túrde ashylady. Sondaı-aq meshit esiginde sensor ornatylǵan.